Almaty oblysynda «Qazposhtadan» mıllıondaǵan somanyń urlanǵany anyqtaldy, - dep habarlaıdy "Adyrna" ulttyq portaly oblystyq prokýratýraǵa silteme jasap.
Belgili bolǵandaı, Almaty oblysynyń prokýratýrasy kórsetilgen memlekettik qyzmetter úshin qarajattyń túsýin taldaý nátıjeleri boıynsha «Qazposhta» AQ-da bıýdjet qarajatyn ysyrap etý faktilerin anyqtady.
Atalǵan fakti boıynsha sotqa deıingi tergep-tekserý jumystary bastalyp, is Almaty oblysy boıynsha Ekonomıkalyq tergeý departamentine berildi.
Tergeý barysynda "Qazposhta" AQ kassırleri túbirtekterdi burmalaý arqyly tólengen memlekettik baj salyǵynyń bir bóligin zańsyz ıemdengeni anyqtaldy.
Qylmystyq shema 2021 jyldan 2023 jylǵa deıin tólqujattar men jeke kýálikterdi rásimdeý kezinde júrgizilgen.
Keltirilgen zalal somasy 80 mıllıon teńgeden astam.
Sot úkimimen 2 kassır asa iri mólsherde (QK-niń 189-baby 4-bóliginiń 2-tarmaǵy) bóten múlikti ıemdenip alǵany úshin kináli dep tanylyp, bas bostandyǵynan aıyrý jáne materıaldyq jaýapty, sondaı-aq basshylyq qyzmetterdi atqarýǵa tyıym salý túrindegi jaza taǵaıyndaldy.
