Äskerdegı egızder. Erekşe sarbaz ölımıne şeneunık jüre jauap berdı

Qorǧanys vise-ministrı Serık Boranbaev 19 jastaǧy sarbaz Dınmūhammedtıŋ qazasyna qatysty pıkır bıldırdı, dep habarlaidy «Adyrna».

Qyrküiek aiynda Almaty oblysyndaǧy äskeri bölımde 19 jastaǧy sarbazdyŋ mäiıtı tabylǧan bolatyn.

"Qazır tergeu jürıp jatyr, kez kelgen pıkırdı dūrys tüsınbeuı  nemese tergeuge kedergı keltıruı mümkın. Būl – ata-analar üşın de, bız üşın de öte auyr qaiǧy. Bız, komandirler, är sarbazdy öz balamyzdai qabyldaimyz.
Bır jyldyq qyzmet barysynda qol jetkızgen barlyq jaqsy nätijelerdı bız olarmen bırge bölısemız. Al osyndai qaiǧyly jaǧdailar bız üşın de, äsırese sarbazdyŋ qasynda jürgen komandirler üşın öte auyr. Qai ölım bolsa da – būl orny tolmas qaza, ata-ana üşın auyr tragediia", – dedı Qorǧanys vise-ministrı Se­rık Boranbaev.

Onyŋ aituynşa, Qorǧanys ministrlıgı resmi jauap bermes būryn tergeudıŋ aiaqtaluyn kütudı jön köredı.

"Ata-analar turaly aitqym keledı: sarbazdar ärtürlı uaqytta jäne ärtürlı eldı mekenderden şaqyryldy. Bıraq būl taqyrypty efirde qaita kötergımız kelmeidı. Būl jaqyndary men tuystaryna auyr tiedı. Tergeu aiaqtalǧanyn küteiık. Qylmystyq ıs qozǧaldy, tergeu nätijesınen keiın bız barlyq sūraqtarǧa resmi jauap beremız", – dep tolyqtyrdy vise-ministr.

Būǧan deiın qaza tapqan sarbazdyŋ äpkesı Eŋlık Qaltaeva äleumettık jelıde jazba qaldyrǧan. Onyŋ aituynşa, bauyry Dınmūhammed äskerge syŋarymen bırge ketken. Alǧaşynda ekeuı bır äskeri bölımde qyzmet etken, bıraq keiın Dınmūhammedtı basqa bölımge – Mätıbūlaqtaǧy №01098 äskeri bölımge auystyryp, egızderdı ajyratyp jıbergen.

"Olar bırge qyzmet ettı, bıraq ant bergennen keiın Dınmūhammedtı Mätıbūlaqqa, №01098 äskeri bölımge auystyryp jıberdı. Egızderdı ajyratuǧa bolmaitynyn bıle tūra, solai ettı. Qaiǧyly jaǧdai däl sol jerde boldy", – dep jazdy Eŋlık Qaltaeva.

Ol äleumettık jelıdegı parqaşasyna egız bauyrlarynyŋ qazarmada bırge tüsken suretın de jariialaǧan.

Eske salaiyq, 17 qyrküiek künı marqūmnyŋ otbasyna suyq habar jetken bolatyn. Ol kezde Qorǧanys ministrlıgı sarbazdyŋ qaza bolǧanyn rastaǧan jäne qylmystyq ıs qozǧalǧanyn habarlaǧan edı.