Mańǵystaý oblysyndaǵy "Oımasha" polıgonynda bir sarbaz kóz jumdy, dep habarlaıdy “Adyrna” ulttyq portaly.
Qaıǵyly oqıǵa "Batys" óńirlik qolbasshylyǵy bólimderiniń jıyny kezinde bolǵan.
Beıresmı aqparatqa sáıkes, 17:10 shamasynda lager boıynsha kezekshi, gvardııa leıtınanty PM 9 mm tapanshasynan oq atqan. Atylǵan oq qatardaǵy jaýynger Marat Erboluly Barqulovtyń betine tıgen.
Sarbaz aýrýhanaǵa jetkizilgenimen onyń ómirin arashalaý múmkin bolmaǵan. 17:40 shamasynda er adam kóz jumdy.
Aqtaý garnızony baspasóz qyzmetiniń habaryna sáıkes, sarbazdyń ólimine qarýdy durys paıdalanbaý sebep.
Qazir oqıǵanyń mán-jaıy anyqtalyp jatyr, qylmystyq is qozǵaldy.
