Jurnalist ükımet ǧimaratyna kıru qūqyǧyn qaitaryp aldy, dep habarlaidy “Adyrna” ūlttyq portaly.
Jurnalist Jäniia Ūranqaevaǧa qatysty «Ädıl söz» qory ükımet apparatyna jasaǧan ötınışınen keiın, Ükımettıŋ baspasöz qyzmetı uaqytşa şekteulerdı qaita qaraǧany mälım boldy.
Ūranqaevaǧa 2024 jyldyŋ 31 jeltoqsanyna deiın öz qyzmetterın tolyq oryndauǧa mümkındık berdı.
Osy jyldyŋ 10 qyrküiegınde ükımet ötkızgen brifingte Ūranqaevaǧa qatysty mäselenı kötergen tılşıler jauaptylarǧa sūraq qoiǧan bolatyn.
Jäniia Ūranqaeva öz sözınde qoldaǧan ärıptesterıne alǧysyn aitty.
«Bügın (10 qyrküiek) menıŋ ükımet otyrysyna qatysa almaǧan alǧaşqy künım boldy. 6 qyrküiekten bastap, menı ol jerge kırgızbeidı. Degenmen, menımen iyq tırestırıp qyzmettes bolyp jürgen ärıptesterım maǧan qoldau bıldırdı. Olar menı qoldap, qorǧap, osy qiyn sätte arqa süierıme ainaldy jäne men olarǧa rizamyn», — dedı Jäniia Ūranqaeva.Sondai-aq atalmyş mäselege «Ädıl söz» qorynyŋ basşysy Qarlyǧaş Jamanqūlova pıkır bıldırdı.
«Aldaǧy künderı Ükımet akkreditasiia erejelerın aşyq türde talqylauǧa mümkındık beredı. Bar jaǧdaidyŋ egjei-tegjeiın aita almasam da, jurnalister qauymynyŋ ūstanymdary eskerıledı degen naqty ümıt bar ekenın aitqym keledı. Kelıssözder barysynda osy şeşımge kelgen Ükımet apparatynyŋ käsıbi ūstanymyna şyn jürekten alǧysymdy bıldıremın», — dedı «Ädıl söz» qorynyŋ basşysy Qarlyǧaş Jamanqūlova.
Ūqsas jaŋalyqtar
