Almaty oblysy, Jambyl audanyna qarasty Ūzynaǧaş auyldyq okrugı 5 178 571 teŋgege dauys beru kabinalaryn satyp almaq, dep habarlaidy "Adyrna" tılşısı satypalu.gov.kz saityna sılteme jasap.
17 qyrküiek künı Jambyl audany äkımdıgınıŋ Ūzynaǧaş auyldyq okrugı äkımınıŋ apparaty "Ūzynaǧaş auyldyq okrugıne (Ūzynaǧaş, Jaŋaqūrylys, Yntymaq eldı mekenderı) dauys beru kabinalaryn satyp alu jäne ornatu" degen taqyryppen tender jariialaǧan. Memlekettık satyp alu jeŋımpazy 24 qyrküiek künı anyqtalady.
Ūzynaǧaş auyldyq okrugı biudjetten bölıngen 5 178 571 teŋgege qanşa dauys beru kabinasyn satyp almaq bolyp otyrǧanyn bılu üşın memlekettık satyp aludyŋ tehnikalyq sipattamasyn aştyq. Ökınıştısı tehnikalyq sipattamada tüsınıksız ärıpter men sandardan basqa eşteŋe jüktelmegen. Iаǧni, tapsyrysty oryndauşy dauys beru kabinasyn qalai jasaityny, qūramynda bırneşe eldımeken bar auyldyq okurgke qanşa kabina qajet ekenı jūmbaq küiı qalǧan.
6 qazanda Qazaqstanda AES salu mäselesı boiynşa referendum ötedı. Sonda referendumda dauys beretın kabina üşın Almaty oblysynyŋ bır ǧana auyly bes million teŋgeden astam qarajat jūmsamaq pa? Būl qarjyǧa qanşa kabina satyp alynbaq? Qazaqstanda soŋǧy jyldary sailaular jiı öttı. Būrynǧy sailaudaǧy kabinalar qaida kettı?
Būl sūraqtardy tiıstı mekemege joldadyq. Olardan jetken jauapty alda jariialaityn bolamyz!
Asyl Abai "Adyrna" ūlttyq portaly
Ūqsas jaŋalyqtar
