Pavlodar oblysynyń Polıııa departamenti ýaqytsha ákimshilik qamaýǵa alynǵan azamattardy tamaqtandyrýǵa 22 444 671 teńge qarjy bóldi, dep habarlaıdy Adyrna ulttyq portaly satypalu.gov.kz saıtyna silteme jasap.
Pavlodar oblysynyń Polıııa departamenti "Ystyq tamaqty uıymdastyrý boıynsha qyzmetterdi satyp alý" degen taqyryppen jarııalaǵan tenderge ótinimderdi qabyldaý 19 tamyz kúni bastalyp, jeńimpaz kompanııa 3 qyrkúıek kúni anyqtalady. Memlekettik satyp alý úsh lottan turady. Tender jetkizýshi úsh lottan turatyn tapsyrysty oryndaýy úshin 12 aı boıy kúnine úsh ýaqyt (tańǵy as 07-00 mınýttan 08-00 mınýtqa deıin; túski as 12-00 mınýttan 13-00 mınýtqa deıin; kestege sáıkes keshki as 18-00 mınýttan 19-00 mınýtqa deıin) tamaq jetkizip turýy kerek. Tapsyrysty oryndaý ýaqyty 2024 jyl dep anyq kórsetilgen. Demek tender jeńimpazy 12 aılyq jumysty tórt-aq aı atqarady degen sóz.
Tehnıkalyq sıpattamada bir adamǵa arnalǵan tamaqtyń quny táýligine 2100 teńgeden aspaý kerektigi de aıtylǵan. Biraq, naqty qansha adamnyń tamaqtanatyny kórsetilmegen.
Bizdi myna suraqtar mazalaıdy. "Jyl basynda ótýi tıis tender nege endi ǵana jarııalanyp otyr?", "Ýaqytsha ákimshilik qamaýǵa alynǵan azamattar on eki aıǵa bólingen tamaqty tórt aıda jep taýysa ala ma?".
22 444 671 teńgeni 2100 teńgege (kúndik tamaqqa) bólsek, 10 687 adamnyń qarjysy shyǵady. Pavlodar oblysynyń Polıııa departamentine qarasty úsh mekeme aldaǵy tórt aıda on myńnan astam azamatty ýaqytsha qamaýǵa alýy múmkin be?
Bul suraqtardy tıisti mekemege joldadyq. Olardan jetken jaýapty alda jarııalaıtyn bolamyz.
Asyl Abaı
Adyrna ulttyq portaly
