Aqtöbede 9 jastaǧy bala ätkenşekten qūlap, mert boldy, dep habarlaidy "Adyrna" ūlttyq portaly.
Jasöspırımnıŋ qatty soqqydan basy jarylyp, omyrtqasy men qabyrǧalary synǧan. Bala ätkenşekten qūlap, qaitys boldy.
Qaiǧyly oqiǧa 18 qyrküiek künı tırkelgen. Būl turaly Aqtöbe oblystyq polisiia departamentı ökılderı qylmystyq ıs qozǧalǧanyn mälımdedı.
"Kämelettık jasqa tolmaǧan balanyŋ qaitys boluyna qatysty 306-bap – "Qauipsizdik talaptaryna sai kelmeitın tauarlardy şyǧaru nemese satu, jūmystardy oryndau ne qyzmetter körsetu" boiynşa ıs qozǧaldy. Sotqa deiıngı tergep-tekseru amaldary jürıp jatyr",- dep habarlady poliseiler. Qaiǧyly jaǧdaidy jedel järdem qyzmetıne körşılerı habarlaǧan. "Keşkı saǧat 19:02-de qoŋyrau tüstı. Jedel järdem brigadasy saǧat 19:09-da jettı. Bala es-tüssız bolǧan. Körşıler alǧaşqy kömek körsetken. Medisina qyzmetkerlerı 30 minut boiy reanimasiialyq kömek körsettı. Nätije bergen joq. Saǧat 19:41-de midyŋ bırjola semuı tırkeldı. Bala aşyq bas mi jaraqatyn alǧan, bas süiegı, moiyn omyrtqasy, qabyrǧasy synǧan. Keude quysy qysylǧan",- dep habarlady Aqtöbe oblysy densaulyq saqtau basqarmasynyŋ baspasöz qyzmetı.
Ūqsas jaŋalyqtar
