Qaztalov aýdanyndaǵy sport kesheniniń qurylysy aýdan ákiminiń halyqpen kezdesýinde jıi kóterilip júrgen máselelerdiń biri boldy. Qurylys jumystary aıaqtalǵan sport kesheni saltanatty túrde ashyldy. Nysannyń ashylý saltanatyna oblys ákimi Narıman Tóreǵalıuly, aýdan ákimi Aslanbek Sarqulov, oblystyq máslıhat depýtattary Turarbek Tilemisuly, Samat Hamzauly, KPO b.v. kompanııasynyń bas dırektorynyń orynbasary Muhtar Mankeev qatysty.
Oblys ákimi Narıman Tóreǵalıuly aýdan halqyn jańa sport kesheniniń ashylýymen quttyqtady.
— Memleket basshysy Qasym-Jomart Toqaev aýyldyq jerlerde sportty damytý máselesine toqtala otyryp: «Aýyldyq jerlerde sportty damytý – jastardyń densaýlyǵy men tárbıesine oń áser etetin mańyzdy baǵyt. Sport keshenderi men alańdaryn salyp, aýyl jastaryn sportqa baýlý arqyly biz salaýatty urpaq tárbıeleımiz. Árbir aýylda sportpen aınalysýǵa barlyq jaǵdaı jasalýy tıis. Aýyl sportyn damytý – bolashaq chempıondardy tárbıeleýdiń kepili» – dep atap ótken bolatyn. Sport kesheniniń qurylysy uzaq ýaqyt turalap qalǵany belgili. Men sizderge sport keshenin 2024 jyly paıdalanýǵa beriletini jóninde ýáde bergen bolatynmyn. Búgin sport salasynyń damýyna sep bolar, aýdannyń áleýetin arttyrýǵa mańyzy zor nysandy paıdalanýǵa berip otyrmyz. Bıyl oblysymyzda sý tasqyny oryn alyp, aýdan azamattary Oral qalasy men ózge de aýdandarda sý tasqynynyń aldyn alý jumystaryna belsene atsalysyp, azamattyq qoldaý kórsetti. Sizderdiń azamattyq ustanymdaryńyz úshin alǵys bildiremin!, — degen óńir basshysy sport keshenine jańa avtokóliktiń sertıfıkatyn tabys etti.
Sport kesheniniń qurylysyn KPO b.v. kompanııasy tapsyrysymen «AGA Building» JShS júrgizdi. Keshende voleıbol, fýtzal, basketbol oıyndaryna arnalǵan zal jáne boks, dzıýdo, kúres,jattyǵý zaldary bar. Atalǵan nysanda aýyl balalaryna túrli sporttyq sekııalar jumys jasaıdy. Sonymen qatar aýyl turǵyndary da bos ýaqytynda sportpen shuǵyldanýǵa múmkindik qarastyrylatyn bolady.
— Búgin aýdan ortalyǵyndaǵy sáýleti kelisken jańa ǵımarat, sport kesheni paıdalanýǵa berilip otyr. Bul halyqtyń kópten kútken qýanyshy. Osy keshenniń salynýyna qoldaý kórsetken oblys ákimdigine jáne Qarashyǵanaq petroleým opereıtıng kompanııasyna, merdigerge aýdan halqynyń atynan shynaıy rızashylyǵymyzdy bildiremin. Prezıdentimizdiń bastamalaryn tolyǵymen qoldaımyz, aldaǵy referendýmda belsene qatysýǵa óz tańdaýlaryńyzdy jasaýǵa shaqyramyn. Memleket tarapynan sport salasyn, sonyń ishinde buqaralyq sportty damytýǵa kóptep kóńil bólinip keledi. Kásibı sport túrinen de el namysyn qorǵap, abyroıymyzdy asqaqtatyp júrgen jerlesterimiz bar. Búginde balalarymyz jańa sport kesheninde jattyǵyp, túrli sport sekııalaryna qatysyp jerlesimiz Danııar Eleýsinovtyń izin jalǵaıtyn myqty sportshylar shyǵatynyna senimdimin. «Sport – densaýlyq kepili» deıdi dana halqymyz. Aýdanymyzda sport salasynyń damýyna qoldaý kórsetilip, sala qarqyndy damyp keledi. Jańa sport kesheni sportshylarymyzdyń jańa múmkindikterine jol ashady degen senimdemin! Qýanysh qutty bolsyn, aǵaıyn!, - dep sport salasynyń ardageri Ádilbek Alǵazıev.
Sport kesheniniń ashylý saltanatynda oblys ákimi Narıman Tóreǵalıev, KPO b.v. kompanııasynyń bas dırektorynyń orynbasary Muhtar Mankeev, eńbek ardageri Ýalıolla Abeshov, ardager sportshy Aıdyn Elemesov nysannyń lentasyn qıdy.
Kaztalov aýdany ákimdiginiń baspasóz qyzmeti
