Almatyda 14-15 qyrküiekte Almaty mädeniet basqarmasy jäne qalanyŋ ortalyqtandyrylǧan kıtaphana jüiesınıŋ qoldauymen «BAURZHAN Foundation» qory ūiymdastyrǧan Kitap Fest Almaty kıtap festivalı özınıŋ on jyldyǧyn atap öttı, dep habarlaidy “Adyrna” ūlttyq portaly.
Qala künı qarsaŋynda megapolistıŋ eŋ ırı mädeni ıs-şaralarynyŋ bırıne ainalǧan festival 2014 jyly bastau alǧan bolatyn.
Biylǧy erekşelıgı — festival 10 jylda alǧaş ret ekı kün qatarynan öttı. «Keleşek kıtaby» ūranymen ötıp jatqan mereitoilyq festival keluşılerge türlı baǧdarlamalar ūsyndy.
Festivaldıŋ negızın qalauşy Jūldyz Omarbektıŋ aituynşa, Kitap Fest Almaty kıtapqa degen süiıspenşılıktıŋ simvolyna ainaldy.
— Kıtap — ūlt ruhaniiatyn damytyp, jas buyndy ızgılıkke tärbieleude asa maŋyzdy rölge ie. Kitap Fest-tıŋ basqa festivalderden aiyrmaşylyǧy nede? Bırınşıden, Kitap Fest — Qazaqstandaǧy jalǧyz kıtap festivalı. Ekınşıden, būl jai ǧana kıtap järmeŋkesı emes, bız mädeniettı jäne oquǧa degen süiıspenşılıktı nasihattaimyz. Ärbır kıtaptyŋ öz oqyrmany bar. Sol siiaqty är jazuşynyŋ da öz auditoriiasy bar. Jobanyŋ maqsaty oqyrman mädenietın damytyp, jazuşylar men oqyrmanǧa kezdesu alaŋyn ūiymdastyru, — deidı ol.
Festivalge 70-ten astam kıtap dükenı men baspalar qatysty jäne 50-ge juyq jaŋa kıtaptyŋ tūsauy kesıldı.
Atalmyş şaraǧa şeteldık qonaqtar da qatysty. Türkiia elşılıgınıŋ ökılı Aihan Korkmaz mūndai ıs-şaralar arqyly mädeni täjıribe almasu jäne halyqaralyq bailanystardy nyǧaitudyŋ maŋyzyna toqtaldy.
