Ózbekstanda memlekettik qyzmette júrip, kásipkerlik sýbektilerine ıelik etken 3 mınıstrliktiń 107 mamany anyqtaldy. Bul týraly Kazinform agenttiginiń Tashkenttegi menshikti tilshisi Álıhan Asqar jarııalady, dep habarlaıdy “Adyrna” ulttyq portaly.
Aqparatqa sáıkes, kólik mınıstrligi, mektepke deıingi jáne mekteptegi bilim mınıstrligi men mádenıet mınıstrliginiń basshylyq laýazymdaǵy 107 qyzmetkeri 116 kásipkerlik sýbektisiniń quryltaıshysy bolǵany anyqtaldy.
Ózbekstannyń sybaılas jemqorlyqqa qarsy is-qımyl agenttiginiń málimetinshe, Kólik mınıstrliginde 50 qyzmetker 55 kompanııanyń quryltaıshysy bolsa, Mektepke deıingi jáne mekteptegi bilim mınıstrliginde 37 maman 39 bızneske ıelik etken.
Buǵan qosa, mádenıet mınıstrliginiń 20 qyzmetkeri 22 kompanııanyń basshysy ekeni anyqtaldy.
Agenttik atalǵan mınıstrlikterge tıisti usynys joldap, memlekettik qyzmetshilerge eskertý jasaǵan. Qazirgi ýaqytta zań buzýshylyqtardy joıý boıynsha jumys júrgizilip jatyr.
Aıta keteıik, buǵan deıin Ózbekstanda óz qyzmetin durys atqarmaǵan 18 ımam qyzmetinen shyǵarylǵanyn habarladyq.
