Batken oblysynda Qyrǧyzstan men Özbekstannyŋ jer uchaskelerın aiyrbastauǧa qatysty ūiymdastyruşylyq-tehnikalyq mäseleler jönındegı bırlesken jūmys komissiiasynyŋ otyrysy öttı, dep habarlaidy «Adyrna» tılşısı Darya agenttıgıne sılteme jasap.
Taraptar būǧan deiın qol jetkızılgen kelısımderdıŋ oryndaluyn talqylaǧan. Atap aitqanda, aiyrbastalatyn aumaqtar tūrǧyndarynyŋ azamattyǧy, olardy qonystandyru, sondai-aq mülıktık-şaruaşylyq jäne özge de mäseleler qaralǧan.
Qyrǧyz tarapynyŋ komissiiasyn ministrdıŋ bırınşı orynbasary Qamchybek Dosmatov, al özbek tarapynyŋ komissiiasyn Özbekstan ışkı ıster ministrınıŋ bırınşı orynbasary Botir Qūdrathodjaev basqarǧan.
Otyrys qorytyndysy boiynşa ekı eldıŋ salalyq ministrlıkterı, vedomstvolary jäne jergılıktı atqaruşy organdarynyŋ ökılderınen qūralǧan bırlesken jūmys tobynyŋ qūramy bekıtılgen.
Jūmys toby aiyrbastalatyn aumaqtar tūrǧyndarynyŋ azamattyǧyna qatysty mäselelerdı, qonys audarudy ūiymdastyrudy, memlekettık mülık nysandaryn qabyldau men tapsyrudy, azamattardyŋ mülıktık qūqyqtaryn räsımdeudı, jer paidalanu jäne halyqty äleumettık qorǧau mäselelerın qarastyrady. Sonymen qatar atalǧan aumaqtar tūrǧyndary üşın bılım beru prosesınıŋ üzdıksızdıgı qamtamasyz etıledı.
Qazırgı uaqytta jūmys toby praktikalyq qyzmetıne kırısken. Onyŋ ökılderı aiyrbastalatyn aumaqtarǧa baryp, atqarylǧan jūmystar men qol jetkızılgen nätijeler turaly komissiianyŋ teŋ töraǧalaryna tūraqty türde esep berıp otyrmaq.
