Álemge esimi áıgili qazaqstandyq ánshi Dımash Qudaıbergen Instagram-daǵy paraqshasyna baqılyq bolǵan atasyna arnap áserli jazba qaldyrdy, dep habarlaıdy “Adyrna” ulttyq portaly.
Rahmet, papa! Maǵan bergen qanattaryń úshin, maǵan kókke qalaı kóterilip, kókjıegimdi keńeıtýdi úıretkeniń úshin, 100 mektep bere almaıtyn rýhanı tálimiń úshin! Saǵan degen alǵysymdy sózben jetkize almaspyn. Aıtqandarymnan aıtyp, úlgermegenderim kóp. Qosh bol, áketaı! Máńgi júrektesiń! Janyń jumaqtan oryn tapsyn. Seniń kenjetaıyń.
Barlyq kóńil aıtyp jatqan aǵaıyndarǵa, Alla razy bolsyn! Otbasylaryńyzda qaıǵy-muń bolmasyn, – dep jazdy ánshi.
Eske salaıyq, 13 maýsymda tanymal ánshi Dımash Qudaıbergenniń atasy Qudaıbergen Aıtbaev 82 jasyna qaraǵan shaǵynda dúnıeden ótken edi.
