Foto:«Kriminalnyi Kazahstan»
Qonaevtaǧy äskeri bölımde törtınşı qabattan qūlaǧan merzımdı äskeri qyzmetşı jansaqtau bölımınde jatyr. Būl turaly «Kriminalnyi Kazahstan» jazdy, dep habarlaidy "Adyrna".
Aqparatqa säikes, 2006 jyly tuǧan merzımdı äskeri qyzmetşı Qonaev qalasyndaǧy äskeri bölım ǧimaratynyŋ törtınşı qabatynan qūlap, auyr jaraqat aldy. Qazır ol jansaqtau bölımınde jatyr.
Tuystarynyŋ aituynşa, sarbaz otbasymen ünemı bailanysta bolǧan jäne äskeri qyzmettıŋ jaǧdaiyna nemese densaulyǧyna qatysty eşqaşan şaǧymdanbaǧan. Oqiǧaǧa deiın köp ūzamai ata-anasy oǧan baryp qaitqan. Jaqyndarynyŋ sözınşe, sol kezde onyŋ jaǧdaiy jaqsy bolǧan.
Aldyn ala mälımet boiynşa, äskeri qyzmetşınıŋ bırneşe qabyrǧasy synyp, ökpesı men büiregıne jäne quyǧyna zaqym kelgen.
Marqūmnyŋ tuystary onyŋ özdıgınen terezeden qūlaǧany turaly boljamǧa senbeidı. Olar beinebaqylau kameralaryndaǧy jazbalardy jariialap, oqiǧanyŋ barlyq män-jaiyn jan-jaqty ärı obektivtı tergeudı talap ettı.
