Jambyl oblysynda muǵalimderdiń aqshasyna shaqyrtyldy delingen emshini qurmetpen qarsy alǵan Turar Rysqulov aýdany Tereńózek aýylyndaǵy mektepte arnaıy tekseris júrgizildi, - dep habarlaıdy “Adyrna” ulttyq portaly.
Tekserý jumystaryn Jambyl oblysynyń Balalardyń quqyqtaryn qorǵaý jónindegi ýákili men Jambyl oblysy ákimdiginiń bilim sapasyn qamtamasyz etý departamentiniń qyzmetkerleri júrgizdi.
Bilim, aqparat jáne áleýmettik damý basqarmalarynyń qyzmetkerlerinen quralǵan jumys toby da tekserý jumystaryna qatysty.
Tekserý qorytyndysy boıynsha Turar Rysqulov aýdany ákiminiń orynbasary A.Terlikbaev men Jambyl atyndaǵy mektep dırektory E.Zákimbaev óz ótinishteri boıynsha qyzmetinen bosatylǵan.
Turar Rysqulov aýdandyq ishki saıasat bóliminiń basshysy men Tereńózek kentiniń ákimine qatań sógis túrindegi tártiptik jaza qoldanylǵan.
Eske salaıyq, buǵan deıin jelide Tereńózek aýylyndaǵy orta mektepte ótken sharadan sándi kóılek kıip, tájge uqsas bas kıim kıgen áıel beınelengen vıdeo paıda boldy. Ony mektepte kıno juldyzyndaı qarsy alǵan: adamdar joldyń eki jaǵyna tizilip, al mektep oqýshylary onyń kóılegin kóterip júrgen. Basqa kadrlarda sol áıeldiń synypqa qalaı kirgeni jáne onyń aıaǵyna raýshan gúlderin tastap jatqany kórsetilgen.
Vıdeoda Tomırıs patshaıymynyń beınesin somdaǵan Gúlsara Kópbaeva kórsetilgeni atap ótildi. Ol bir kezderi ózi bitirgen mektepke qaıyrymdylyq kómek kórsetý úshin kelgen.
Qonaqty laıyqty qarsy alý úshin ustazdardan tórt myń teńge jınalyp, tipti emshiniń qurmetine konert te uıymdastyrylǵany aıtyldy.
