Mektepterde jańajyldyq erteńgilik bolmaıdy - AIMAǴAMBETOV

3273
Adyrna.kz Telegram

Bilim jáne ǵylym mınıstri Ashat Aımaǵambetov mektepterde jańajyldyq erteńgilik ótkizýge qatysty suraqqa jaýap berdi, - dep habarlaıdy “Adyrna” ulttyq portaly Tengrinews.kz saıtyna silteme jasap. 

"Erteńgilikter men basqa da buqaralyq is-sharalarǵa keletin bolsaq: olar mektepterde ótkizilmeıdi. Bas sanıtarııa dárigeriniń sheshimi bar, biz bul sheshimderge baǵynamyz. Sondyqtan mektepterde erteńgilikter nemese basqa da buqaralyq is-sharalar bolmaıdy. Merekelerdi bir synyp ishinde ótkizý týraly sheshim mektep ákimshiligi deńgeıinde qabyldanady", - dep jaýap berdi vedomstvo basshysy Senat otyrysynda.

Sondaı-aq, mınıstrge "omıkron" shtamynyń taralýyna baılanysty mektep oqýshylaryn qashyqtan oqytý formatyna kóshirý múmkindigi týraly suraq qoıyldy.

"Bul týraly aıtýǵa áli erte, biz vedomstvoaralyq komıssııanyń sheshimderi aıasynda jumys isteımiz. Qazirgi ýaqytta qorytyndy shyǵarýǵa aqparat jetkiliksiz", - dep túsindirdi Ashat Aımaǵambetov.

“Adyrna” ulttyq portaly

Pikirler