Shymkent soty qorǵanys mınıstrliginiń talabyn ishinara qanaǵattandyrdy. Osylaısha, aıypty dep tanylǵan eki sarbaz ben eki ofıer 23 mıllıard teńge óteýge mindetteldi, dep habarlaıdy “Adyrna” ulttyq portaly.
2021 jyldyń 26 tamyzynda Jambyl oblysy Baızaq aýdany Qaınar jol torabynda ornalasqan №28349 áskerı bóliminiń ınjenerlik oq-dáriler qoımasynyń birinen órt shyǵyp, odan keıingi jarylystarǵa ákelip soqtyrǵan. Nátıjesinde 18 adam qaza taýyp, birneshe adam zardap shegip, sondaı-aq memleket pen jeke tulǵalarǵa asa iri mólsherde zalal keltirilgen.
“Jaýapkerlerdiń kinási Shymkent garnızonynyń áskerı sotynyń 2023 jylǵy 20 qazandaǵy jáne Qazaqstan Respýblıkasy Áskerı sotynyń qylmystyq ister jónindegi sot alqasynyń 2024 jylǵy 13 naýryzdaǵy zańdy kúshine engen apellıaııalyq sot aktilerimen dáleldengen”, - delingen habarlamada.
Jaýapkerler áskerı bólimniń tehnıkalyq aýmaǵynda №14 ınjenerlik oq-dárilerdi saqtaý qoımasynda órt shyǵýyna jol bergenderi, ıaǵnı olardyń is-áreketterinen asa iri mólsherde shyǵyn kelgeni sotpen anyqtalǵandyqtan, keltirilgen materıaldyq zalaldy ortaqtasqan túrde 23 764 530 881teńge memleket paıdasyna óndirý týraly sheshim qabyldandy.
Talaptyń 1 328 507 355 teńge óndirý týraly bóligi dálelder bolmaýyna baılanysty qanaǵattandyrýsyz qaldyryldy.
Sheshim zańdy kúshine engen joq
Esterińizge sala keteıik, jarylysty qoldan jasady dep jaýapqa tartylǵan Áset Áshirbaı men Erbolat Turanov 13 jylǵa sottalǵan. Bólim ofıerleri Aslan Baqytjanov pen Rýslan Nesipqalıev 5 jylǵa bas bostandyǵynan aıyrylǵan bolatyn.
