Ukraina prezidentı Vladimir Zelenskii Kievtıŋ Resei baqylauyndaǧy aumaqtardan bas tartpaitynyn mälımdedı. Būl turaly ol Türkiiaǧa sapary aiasynda CNN Türk telearnasyna bergen sūhbatynda aitty, dep habarlaidy “Adyrna”.
Zelenskiidıŋ sözınşe, Qyrymdy qosa alǧanda, Ukrainanyŋ şyǧys aumaqtaryn Reseidıŋ menşıgı dep tanu eldıŋ Konstitusiiasyna, qoǧamnyŋ ūstanymy men ūlttyq namysyna qaişy keledı. Onyŋ aituynşa, Mäskeu būl talapty türlı deldaldar arqyly jetkızuge tyrysyp keledı.
Ukraina basşysy qazırgı maidan şebınde atysty toqtatudy qamtamasyz etudı basty basymdyq retınde atady. Al özge mäselelerdı keiıngı kelıssözder barysynda talqylau qajet ekenın jetkızdı.
Sondai-aq Zelenskii Ukraina men Resei arasyndaǧy yqtimal beibıt kelıssözderde energetika salasy, teŋızdegı atysty toqtatu jäne tūtqyndar almasu mäselelerı qarastyryluy mümkın ekenın aitty.
Onyŋ pıkırınşe, aldaǧy sammittıŋ negızgı maqsaty – eşqandai aldyn ala şartsyz tolyq atysty toqtatuǧa qol jetkızu jäne onyŋ oryndaluyn tiımdı baqylau tetıgın qalyptastyru. Būdan keiın soǧysty aiaqtauǧa baǧyttalǧan jol kartasy äzırlenuı tiıs.
Zelenskii qauıpsızdık kepıldıkterı mäselesıne de toqtaldy. Ol Ukrainaǧa qauıpsızdık kepıldıkterı qajet ekenın aityp, Resei tarapynan da mūndai mäsele köterılıp otyrǧan jaǧdaida ony talqylauǧa daiyn ekenın jetkızdı.
Būǧan deiın Ukraina prezidentı Resei basşysy Vladimir Putinmen Türkiiada kezdesuge daiyn ekenın mälımdegen bolatyn.
