Premer-Mınıstr Oljas Bektenov Munaıly aýdanynynyń Besshoqy aýylynda balalardyń ýlanýyna baılanysty Densaýlyq saqtaý, Oqý-aǵartý mınıstrleri men Mańǵystaý oblysy ákiminiń esepterin tyńdady. Bul týraly búgin, 9 qyrkúıekte Úkimettiń baspasóz qyzmeti jazdy, dep habarlaıdy «Adyrna» tilshisi.
Resmı málimetterge súıensek, búgingi tańda 460 bala dárigerlerdiń baqylaýynda. Onyń 83-i aýrýhanaǵa jatqyzyldy. Zardap shekkenderdiń barlyǵy, onyń ishinde jansaqtaý bólimindegi 2 balanyń jaǵdaıy turaqty. Densaýlyǵynyń jaqsarýyna baılanysty reanımaııada jatqan eki bala jalpy bólimshege aýystyryldy.
«Qazirgi ýaqytta aýrýhanaǵa ýlaný belgilerimen túsken balalardyń barlyǵyna tolyq kólemde qajetti medıınalyq kómek, sonyń ishinde psıhologııalyq kómek kórsetilýde. Oqıǵa ornynda Oqý-aǵartý mınıstrligi Balalardyń quqyqtaryn qorǵaý komıtetiniń ókilderi jumys istep jatyr. Zardap shekkenderge jáne olardyń otbasylaryna qoldaý sharalaryn kórsetý boıynsha jumystar júrgizilýde. Táýlik boıy shtab jumys isteıdi»,—dep jazdy Úkimettiń baspasóz qyzmeti.
Aýrý oshaǵyn oqshaýlaý jáne joıý sharalaryn kúsheıtý úshin óńirge «Qoǵamdyq densaýlyq saqtaý ulttyq ortalyǵy» ShJQ RMK «Sanıtarııalyq-epıdemıologııalyq saraptama jáne monıtorıng ǵylymı-praktıkalyq ortalyǵy» fılıalynyń mamandary jiberildi.
Úkimet basshysynyń tapsyrmasy boıynsha bir aı ishinde respýblıkadaǵy barlyq mektepterdiń ashanalarynda sanıtarııalyq-epıdemıologııalyq talaptardyń saqtalýyna monıtorıng júrgiziledi. Ol mekteptegi tamaqtanýdyń qaýipsizdigin qamtamasyz etý jáne mundaı jaǵdaılardyń qaıtalanýyna jol bermeý sharalaryn kúsheıtýge baǵyttalǵan.
Aıta keteıik, № 8 mektepte tergeý jumystary júrgizilip jatyr. Kináliler jaýapqa tartylady.
