12 jasynda feierverk jarylysynan keiın qolynan aiyrylǧan Quanyş Asqar jaŋa jyl qarsaŋynda jastarǧa eskertu jasady, dep habarlaidy "Adyrna" ūlttyq portaly.
2000 jyly Quanyş Asqar dostarymen oinap jürıp, feierverk syndy otşaşu men jarylǧyş zattardy tauyp alǧan. 12 jastaǧy balalar otşaşu jarylǧannan keiın zardap şekken.
Eŋ qatty zardap şekken - Quanyş Asqar. Onyŋ qoly jūlynǧan. Qolynan aiyrylǧan azamat jaŋa jylda otşaşu atqandy ūnatatyndarǧa ündeu jasady.
"Eger balalar feierverk, petarda nemese basqa da qauıptı zattardy tapsa, olarǧa tiıspeu kerek. Ülkenderdı şaqyryŋdar. Qazır qauıpsız ärı qyzyqty basqa da köp oiyn-sauyq bar", – deidı ol.
Jasöspırımderge ündeu jasaǧan Quanyş uaqytty bosqa ötkızbeuge keŋes beredı.
"Oqyŋdar, sportpen ainalysyŋdar, hobbi tabyŋdar. Bır närsege qyzyǧu – ömırlerıŋdı saqtap qaluy mümkın", – dep tüiındedı sportşy.
