Qyrǵyz Respýblıkasy eks-prezıdentke mártebesin qaıtarýǵa qatysty pikir bildirdi, dep habarlaıdy “Adyrna” ulttyq portaly 24.kg-ǵa siltep.
Mınıstrler kabıneti basshysynyń orynbasary Edil Baısalov eks-prezıdent Asqar Aqaevtyń zań júzinde eks-prezıdent mártebesin saqtap otyrǵanyn aıtady.
«Zań turǵysynan alǵanda, Asqar Aqaıulynyń Qyrǵyz Respýblıkasynyń eks-prezıdenti ataǵyn saqtap otyrǵanyna esh kúmán joq. Eger kimde-kim ony osy mártebeden aıyrǵysy kelse, 2019 jyly tek A.Sh.Atambaevqa qatysty bolǵan ımpıchment proedýrasy júrgizilýi kerek», - dep atap ótti. Sondaı-aq, Baısalov bul onyń jeke pikiri ekenin aıtty.
Úkimet basshysy orynbasarynyń aıtýynsha, «qazirgi ýaqytta qoǵamdyq resýrstardy baıaǵy oqıǵalar men jaǵdaılar tóńireginde talqylaýlar men daýlarǵa burýdyń qajeti joq. Kerisinshe kúsh-jigerdi búgingi kúnniń mindetterine baǵyttaǵan durys».
Esterińizge sala keteıik, buǵan deıin eks-prezıdent Asqar Aqaev “eks-prezıdent mártebesin” qaıtarýdy suraǵan bolatyn. Aqaev Qyrǵyzstandy táýelsizdikten 2005 jyly 24 naýryzdaǵy revolıýııa nátıjesinde otstavkaǵa ketkenge deıin basqardy.
