Qostanaı oblysyndaǵy turǵyn úıde egiz bala qaza tapty, - dep habarlaıdy "Adyrna" ulttyq portaly Qostanaı oblysynyń Tótenshe jaǵdaılar departamentine silteme jasap.
Mekemeniń málimetinshe, qaıǵyly oqıǵa Qostanaı oblysy, Ershovka aýylynda, 27 sáýirdiń keshine bolǵan.
5 sharshy metr aýmaqta as úı bólmesindegi jıhaz janǵan. Tórdegi órt ornynda 2020 jyly týǵan eki egiz balanyń denesi tabylǵan. Oqıǵa týraly jumystan oralǵan otbasynyń ákesi habarlaǵan.
Qutqarýshylar qaıǵyly oqıǵanyń mán-jaıyn anyqtap jatyr.
"Órttiń boljamdy sebebi - elektr jelisine qosylǵan elektr jylytqyshynyń qysqa tuıyqtalýy. Balalardyń qaza tabýynyń aldyn ala sebebi - kómirtegi totyǵymen ýlaný", - delingen habarlamada.
"Adyrna" ulttyq portaly
