Temırtau qalasynda balany ūrǧan tärbieşıge qatysty ıs qozǧaldy, dep habarlaidy "Adyrna" ūlttyq portaly.
Balabaqşa tärbieşısınıŋ kışkentai qyzdy betınen ūrǧany beinebaqylau kamerasyna tüsıp, äleumettık jelıde keŋ taraǧan. Oqiǧa qoǧam tarapynan qyzu talqylanyp, tūrǧyndardyŋ narazylyǧyn tuǧyzdy.
Belgılı bolǧandai, oqiǧa «Aigölek» balabaqşasynda bolǧan. 36 jastaǧy tärbieşı polisiia bölımşesıne jetkızılıp, män-jai anyqtaluda. Sonymen qatar, balanyŋ anasy da qūqyq qorǧau organdaryna şaqyrylǧan.
Polisiia mälımetınşe, anasy aryz jazudan bas tartqanymen, būl derek boiynşa qylmystyq ıs tırkelgen. Is kämeletke tolmaǧan balany tärbieleu mındetterın tiısınşe oryndamau jäne qatygezdıkpen qarau faktısı boiynşa qozǧaldy.
Qazırgı uaqytta oqiǧaǧa qatysty tergeu amaldary jürgızılude.
