Kishkentaı náresteni uryp-soqqan áıeldiń kim ekeni anyqtaldy, dep habarlaıdy “Adyrna” tilshisi.
Balany uryp, daýys kóterip, dórekilik tanytqan áıel týraly “Adyrna” ulttyq portalynda aqparat jarııalanǵan bolatyn.
“Adyrnanyń” Instagram paraqshasynda júktelgen beıne-jazbaǵa Astana qalasynyń Polıııa departamenti jaýap qaldyrdy:
“Áleýmettik jelige monıtorıng jasaý kezinde áıeldiń jas balany uryp-soǵyp jatqan vıdeosy anyqtaldy. Polıııa qyzmetkerleri tekserý barysynda 37 jastaǵy elorda turǵyny anyqtalyp, Saryarqa aýdandyq basqarmasyna jetkizildi. Áıeldiń aıtýynsha, ol bul vıdeony ótken jyldyń jeltoqsan aıynda nekesiz kúıeýimen kezekti janjaldan keıin túsirgen. Áıelmen quqyq buzýshylyqtyń aldyn alý jóninde profılaktıkalyq áńgime júrgizildi. Bul otbasy ıývenaldy polıııanyń baqylaýyna alyndy”, - delingen habarlamada.
Balany aıaýsyz uryp-soqqan kelinshektiń áreketi jeli qoldanýshylarynyń ashýyn týǵyzdy. “Balanyń ne kinási bar?”, “Baqpasań, maǵan bershi”, “Adamdar ne bolyp bara jatyr?”, “Balany dereý tartyp alý kerek, bir jerin jazym qylady”, - degen pikirler tolassyz túsýde.
