Jambyl oblysynda mektep oqýshylarynyń jappaı ýlanýy oryn aldy, - dep habarlaıdy "Adyrna" tilshisi oblys ákiminiń baspasóz qyzmetine silteme jasap.
Belgili bolǵandaı, Sarykemer aýylyndaǵy N.Kıikbaev atyndaǵy mektep-gımnazııasynyń oqýshysy tarapynan álsizdik jáne qusýǵa qatysty birinshi shaǵym qarashanyń 7-si kúni tústen keıin tirkelgen. Respýblıkalyq jáne oblystyq mamandardan: anestezıologtar, pedıatrlar, toksıkologtar, ınfekıonıst mamandardan komıssııa quryldy.
"Saǵat 23:00-ge deıin ótinish bildirgenderdiń jalpy sany 46 adamdy qurady (onyń ishinde 2 muǵalim, 44 bala). 46 adamnyń 35-i aýrýhanaǵa jatqyzyldy, jaǵdaıy ortasha, turaqty. Aýrýhanaǵa jatqyzylǵandarǵa detoksıkaııa terapııasy júrgizildi. 13 adam dárigerlik keńes alǵannan keıin ambýlatorlyq emdeýge jáne baqylaýǵa jiberildi, antıbıotıkalyq terapııa qajet emes», - delingen habarlamada.
Jalpy tájirıbe dárigerleri, pedıatr, ýchaskelik medbıkeden turatyn 16 mobıldi top uıymdastyrylyp, sol kúni osy bilim oshaǵyndaǵy ashanaǵa kelgen 205 oqýshynyń úıdi-úıin aralaý júrgizildi. Atalǵan balalardy tekserý qorytyndysy boıynsha olardyń jaǵdaıy qanaǵattanarlyq dep baǵalanyp, shaǵymdary men belgileri tirkelmedi.
"N.Kıikbaev atyndaǵy mektep-gımnazııasynyń mektep tamaǵyna jaýapty jeke kásipker Toqseıitovtiń jumysy mán-jaı anyqtalǵansha toqtatyldy. Mektep qorshalyp, bakterıologııalyq zertteý júrgizilýde", - dep habarlaıdy baspasóz qyzmeti.
