Pavlodar oblysy Maiqaiyŋaltyn ken ornynda opat bolǧan qūtqaruşynyŋ otbasy jūmys beruşıden 120 mln teŋge öndırıp aldy. Būl turaly keşe, 5 qyrküiek sot ükımı şyqty, dep habarlaidy “Adyrna” ūlttyq portaly.
Aita ketsek, biyl 4 qaŋtarda "Maiqaiyŋaltyn" AQ aumaǧyndaǧy boljamdy ört ornyna tehnologiialyq jolmen kele jatqanda üş qūtqaruşy men jürgızuşısı bar avtobus şūŋqyrǧa qūlap ketken edı.
Qaza tapqandar — "Käsıbi äskerilendırılgen avariialyq-qūtqaru qyzmetterınıŋ respublikalyq ortalyq ştaby" JŞS qyzmetkerlerı.
Osy faktı boiynşa qūramynda Tötenşe jaǧdailar ministrlıgı, Pavlodar oblysynyŋ äkımdıgı, memlekettık eŋbek inspektory, "Maiqaiyŋaltyn" AQ, "Käsıbi äskerilendırılgen avariialyq-qūtqaru qyzmetterınıŋ respublikalyq ortalyq ştaby" JŞS-nen qūralǧan komissiia jazataiym oqiǧaǧa tekseru jürgızıp, onyŋ qorytyndysy boiynşa jūmys beruşınıŋ kınäsı — 100%, jūmyskerlerdıŋ kınäsı mülde joq ekenı anyqtaldy.
Qaitys bolǧan qūtqaruşy T-nyŋ anasy, qyzy, ūly jäne äpkesı marqūmnyŋ qyzmettık mındetterın atqaru kezınde qaitys boluyna bailanysty moraldyq zalal öteudı talap etıp sotqa jügındı.
Moraldyq ziian olardyŋ ūlynan, äkesınen, aǧasynan aiyryluynyŋ auyrlyǧynan, jerleu kezınde onymen qoştasuǧa mümkındık bolmauynan, jūmys beruşınıŋ köŋıl aityp, qoldau körsetpeuınen bolyp otyr.
Sot bolǧan jazataiym oqiǧaǧa jūmys beruşınıŋ 100% kınäsın negızge ala otyryp, qaitys bolǧan qūtqaruşynyŋ tuystarynyŋ talaptaryn tolyq kölemde qanaǧattandyryp, ärbır tuysynyŋ paidasyna qoiylǧan talap kölemınde 30 000 000 teŋgeden, jalpy somasy 120 mln teŋge moraldyq ziian öndırdı.
Şeşım zaŋdy küşıne engen joq.
Ūqsas jaŋalyqtar
