Şveisariia Qazaqstanda "jüzdegen million dollar jymqyrdy" dep aiyptalyp, syrttai sottalǧan Almatynyŋ būrynǧy äkımı Viktor Hrapunov pen äielı Leila Hrapunovaǧa saiasi baspana berdı dep habarlaidy "Adyrna" ūlttyq portaly Azattyqqa sılteme jasap. Būl aqparatty 7 qaŋtarda Şveisariia federaldyq äkımşılık soty habarlady.
"Sot erlı-zaiyptynyŋ elden ketıp, saiasi oppozisiialyq qyzmet jasauyn 2019 jyly otstavkaǧa ketkenıne qaramastan eldıŋ qūqyqtyq jüiesıne yqpaly bar Qazaqstannyŋ būrynǧy prezidentı Nūrsūltan Nazarbaevqa adaldyq tanytpauy dep bıledı. Eger erlı-zaiyptylar elıne qaitarylsa, ol jaqta ädıletsız sotqa tartyluy mümkın" delıngen baspasöz habarlamasynda.
Sot habarlamasynda būǧan qosa, Hrapunovtardyŋ "Qazaqstan men Şveisariiada qazaq bilıgı ūiymdastyrǧan aqparattyq kampaniianyŋ" nysanyna ainalǧany jazylǧan.
"Olar [erlı-zaiypty Hrapunovtar] sonymen bırge Şveisariiada kiberşabuyl men qazaqstandyq qūpiia qyzmettıŋ aŋduyna ūşyrady, öz elınde jäne şetelde qylmystyq ıster boiynşa qudalandy" delıngen habarlamada.
Leila Hrapunova Facebook-taǧy paraqşasynda "quanyşty habarmen" bölısıp, "Şveisariia osyndai şeşım arqyly Hrapunovtardyŋ saiasi sebeppen qudalanyp jatqanyn resmi türde moiyndady" dep jazdy.
Qazaqstan bilıgı äzırge aqparatqa reaksiia bıldırmedı.
Almatynyŋ būrynǧy äkımı, Qazaqstannyŋ būrynǧy energetika ministrı, 72 jastaǧy Viktor Hrapunov qazır Şveisariiada tūryp jatyr. Hrapunovqa jäne onyŋ jaqyndaryna Qazaqstan bilıgı sybailas jemqorlyq aiyptary boiynşa ızdeu jariialaǧan.
2018 jyly Qazaqstan soty Viktor Hrapunovty - 17 jylǧa, onyŋ äielı Leila Hrapunovany 14 jylǧa syrttai sottaǧan. Erlı-zaiypty Hrapunovtarǧa “qylmystyq top qūru", "alaiaqtyq", "para alu" aiyptary taǧylǧan. Sot materialdaryna säikes, olardyŋ "qylmystyq äreketınen memleketke 250 million dollar kölemınde şyǧyn kelgen". Facebook jelısınde qazaqstandyq qoldanuşylarmen belsendı aralasyp otyratyn Hrapunovtar būl aiyptardy joqqa şyǧaryp, qylmystyq ısterdıŋ saiasilanǧanyn mälımdegen.
Şveisariia federaldyq äkımşılık sotynyŋ mälımetınşe, Hrapunovtar Şveisariia bilıgınen 2013 jäne 2016 jyldary saiasi baspana sūraǧan. Bıraq Bosqyndar ısı turaly zaŋda körsetılgen "bosqyn märtebesıne tän sipattarǧa säikes kelmegendıkten" ötınışterı qanaǧattandyrylmaǧan.
Ūqsas jaŋalyqtar
