Nurdáýlet Jumaǵalı Parıj Paralımpıadasynyń fınalynda SB13 sanatynda 100 metrge brass ádisimen júzýden baq synap, kúmis medal jeńip aldy. Bul týraly Týrızm jáne sport mınıstrligi jarııalady, dep habarlaıdy “Adyrna” ulttyq portaly.
«Nurdáýlet Jumaǵalıdy Parıj Paralımpıadasyndaǵy tamasha jetistigimen shyn júrekten quttyqtaımyn! Para júzý sportyndaǵy osy kúnge deıin jıǵan tájirıbesi men sheberliginiń nátıjesinde búgin Parıj tórinde kúmis medal oljalap, álemdik arenada el abyroıyn asqaqtatty. Bul jeńisi arqyly ol elimizde para sporttyń damýyna, ony nasıhattaýǵa úlken úles qosty. Onyń jeńiske degen erik-jigeri barshaǵa úlgi ári bárine jiger beredi dep oılaımyn. Bolashaqta da joǵary nátıjelerge qol jetkizip, jankúıerlerdi jarqyn jeńisimen qýantatynyna senimdimin»,- dedi Týrızm jáne sport mınıstri Erbol Myrzabosynov.
