Qazaqstandyq baluan Jämila Baqbergenova Vengriianyŋ Budapeşt qalasynda ötıp jatqan äielder küresınen halyqaralyq reitingtık turnirde kümıs medal jeŋıp aldy, dep habarlaidy "Adyrna".
72 kelıge deiıngı salmaq därejesınde baq synaǧan qazaqstandyq sportşy ainalmaly jüie boiynşa ötken jarysta sättı öner körsettı. Alǧaşqy beldesuınde ol Qyrǧyzstan ökılı Qaiyrgül Şarşebaevany jeŋıp, keiın Ündıstan baluany Dikşi Malikten basym tüstı.
Alaida turnir jeŋımpazy anyqtalǧan şeşuşı kezdesude Baqbergenova Polşa sportşysy Viktoriia Holuiǧa jol berdı. Osylaişa, otandasymyz jarysty kümıs jüldemen aiaqtap, tūǧyrdyŋ ekınşı satysyna köterıldı.
Eske salaiyq, bügın, 19 şıldede Budapeşttegı reitingtık turnirde grek-rim küresınıŋ qalǧan salmaq därejelerı boiynşa jüldeler sarapqa salynady.
