4 qyrküiek künı Nūrsūltan Nazarbaevtyŋ nemere ınısı Qairat Satybaldy bostandyqqa şyqty, dep habarlaidy “Adyrna” ūlttyq portaly.
Qairat Satybaldy sybailas jemqorlyq üşın 6 jylǧa sottalǧan edı. Sot onyŋ şartty türde merzımınen būryn bosap şyǧu turaly ötınışın qanaǧattandyrdy.
Jazasynyŋ qalǧan 3 jyl 3 ai jäne 7 kün merzımın Almatydaǧy probasiialyq baqylauda ötkızetın boldy.
Türmeden şyqqan aǧasyn ınısı Samat Äbış qarsy kütıp aldy. Oǧan da sot 8 jyl şartty jaza taǧaiyndaǧan.
Eske sala keteiık, Qairat Satybaldy kınäsın moiyndap, halyq pen prezidentten keşırım sūraǧan edı.
Aita ketsek, Qairat Satybaldy 2022 jyldyŋ nauryz aiynda «Qazaqtelekom» AQ-nyŋ lauazymdyq ökılettıkterın asyra paidalandy jäne qarajatyn asa ırı mölşerde ūrlady degen küdıkpen ūstalyp, qamauǧa alynǧan. Astana qalasy Baiqoŋyr audanynyŋ №2 soty ony mülkın tärkılei otyryp 6 jylǧa sottady.
Sondai-aq biyl tamyzda Qairat Satybaldynyŋ būrynǧy äielı Gülmira Satybaldyǧa sot ükımı şyǧyp, 12 jylǧa bas bostandyǧynan aiyrylǧan bolatyn.Ūqsas jaŋalyqtar
