4 qyrkúıek kúni Nursultan Nazarbaevtyń nemere inisi Qaırat Satybaldy bostandyqqa shyqty, dep habarlaıdy “Adyrna” ulttyq portaly.
Qaırat Satybaldy sybaılas jemqorlyq úshin 6 jylǵa sottalǵan edi. Sot onyń shartty túrde merziminen buryn bosap shyǵý týraly ótinishin qanaǵattandyrdy.
Jazasynyń qalǵan 3 jyl 3 aı jáne 7 kún merzimin Almatydaǵy probaııalyq baqylaýda ótkizetin boldy.
Túrmeden shyqqan aǵasyn inisi Samat Ábish qarsy kútip aldy. Oǵan da sot 8 jyl shartty jaza taǵaıyndaǵan.
Eske sala keteıik, Qaırat Satybaldy kinásin moıyndap, halyq pen prezıdentten keshirim suraǵan edi.
Aıta ketsek, Qaırat Satybaldy 2022 jyldyń naýryz aıynda «Qazaqtelekom» AQ-nyń laýazymdyq ókilettikterin asyra paıdalandy jáne qarajatyn asa iri mólsherde urlady degen kúdikpen ustalyp, qamaýǵa alynǵan. Astana qalasy Baıqońyr aýdanynyń №2 soty ony múlkin tárkileı otyryp 6 jylǵa sottady.
Sondaı-aq bıyl tamyzda Qaırat Satybaldynyń burynǵy áıeli Gúlmıra Satybaldyǵa sot úkimi shyǵyp, 12 jylǵa bas bostandyǵynan aıyrylǵan bolatyn.
