Soltústik Koreıa shilde aıynyń sońynda bolǵan joıqyn sý tasqyny úshin kináli dep tanylǵan 20-30 sheneýnikti ólim jazasyna kesti. Bul týraly TV Chosun ońtústik koreıalyq sheneýniktiń sózine silteme jasap jarııalady, dep habarlaıdy “Adyrna” ulttyq portaly.
Ońtústik Koreıa arnasynyń atyn atamaǵan derekkóziniń habarlaýynsha, sheneýnikter sý tasqynynan «zalaldyń aldyn almaǵany» úshin ólim jazasyna kesilgen.
KHDR-ǵa arnalǵan NK News portaly Ońtústik Koreıanyń Ulttyq barlaý qyzmetiniń (NIS) baspasóz qyzmetine silteme jasap, Seýl boljamdy ólim jazasyna qatysty jaǵdaıdy «jiti baqylap otyr» dep jazady.
Yonhap agenttiginiń málimdegendeı, Soltústik Koreıa kóshbasshysy Kım Chen Yn shilde aıynyń sońynda Chagando jáne Phengan-býk-do provınııalaryndaǵy nóser jańbyrdan kelgen shyǵyn úshin sheneýnikterdi jazalaıtynyn aıtqan.
Ońtústik Koreıa aqparat quraldary KHDR-da sý tasqyny saldarynan qaza tapqandar nemese iz-túzsiz joǵalǵandar sany 1 myń adamnan asýy múmkin dep habarlady. Alaıda, Kım Chen Yn mundaı derekterdi «oıdan shyǵarylǵan», al ońtústik koreıalyq BAQ-ty «qoqys» dep atady.
KHDR bıligi nóser jańbyr men sý tasqynynan zardap shekken 15 myńnan astam adamdy el astanasy Phenıanǵa evakýaııalaýǵa májbúr boldy, dep habarlady Soltústik Koreıanyń KCNA aqparat agenttigi.
