Batys Qazaqstan oblysy Bäiterek audanyna qarasty Köşım kanalynyŋ su deŋgeiı bır täulıkte 43 santimetrge köterıldı, dep habarlaidy "Adyrna" ūlttyq portaly kaz.inform saityna sıltep.
«Qazgidromet» RMK BQO filialynyŋ 1 mamyr küngı taŋǧy saǧat 08.00-degı mälımetı boiynşa kanaldaǧy su deŋgeiı 817 santimetrdı körsetıp, qauıptı şekten (800 sm) qaita asyp kettı.
Keşe osyndai uaqytta su deŋgeiı 774 santimetr bolǧan edı.
Sol sekıldı Jaiyq özenındegı su deŋgeiı Aqjaiyq audany Taipaq gidrobeketınde bır täulıkte 34 santimetrge joǧarylady. Qazır mūnda 7 metrge (699 sm, qauıptı şegı - 850 sm) juyqtady.
Jaiyq özenınıŋ basqa gidrobeketterınde su deŋgeiı tüsıp jatyr.
Aqjaiyq audany tūrǧyndarynyŋ sözıne qaraǧanda, bırneşe auylda auyz su ūŋǧymalaryn su basqan. Soǧan bailanysty auyldardy auyz sumen qamtuda qiyndyqtar tuyndap otyr.
Audan äkımı Mūrat Serdalin būl mäselenıŋ ras ekendıgın jetkızdı.
«Auyz su ūŋǧymalarynyŋ köbı Jaiyq özenı boiynda tömende, sai-salada ornalasqan. Sondyqtan olardyŋ bärın tasqyn sudan alyp qalu mümkın bolmady. Degenmen aldyn ala rezervuarlarǧa su jinaqtadyq. Tūrǧyndarǧa eskertıp, qūdyqtarǧa su qūidyrttyq. Auyldyq okrugterde jetı-on künge jetetın su qory bar», dedı M.Serdalin.
Ūqsas jaŋalyqtar
