Eks-ministr Arystanbek Mūhamediūly kezınde arzanǧa satyp alǧan nysandaryn memleket menşıgıne qaitaryp jatyr. Būl turaly Qazaqstan Respublikasynyŋ Bas prokuraturasy mälımdedı, dep habarlai “Adyrna” ūlttyq portaly.
Mälımetke süiensek, prokurorlar 4,8 mlrd teŋgeden astam somaǧa mülıktı memleket menşıgıne qaitaru turaly talapqa bastamaşy bolǧan. Sot äzırge bır talapty ǧana qanaǧattandyrǧan.
«Mäselen, 2019 jyly būrynǧy mädeniet ministrı Mūhamediūlymen ülestes jeke kompaniia 332 mln teŋgege Su jäne qoldanbaly sport türlerı boiynşa respublikalyq joǧary sport şeberlıgı mektebın satyp alǧan. Almaty qalasynda ornalasqan käsıporyn satylǧanǧa deiın 662 mln teŋgege baǧalanǧan. Bıraq, būndai nysannyŋ naryqtaǧy qūny 1,213 mlrd teŋge», - dep habarlaidy Bas prokuratura.
Almaty qalasynyŋ prokuraturasy käsıporyndy satyp alu-satu şartyn jaramsyz dep tanu turaly talap qoiǧan.
«Sonymen qatar, Astana jäne Almaty qalalarynda būrynǧy Mädeniet ministrı Mūhamediūlymen bailanysty kompaniialarǧa 3,5 mlrd teŋgeden astam somaǧa satylǧan taǧy üş obektını memleket menşıgıne qaitaru turaly talap sotta talqylanyp jatyr. Būl ıs boiynşa Ūlytau oblysynyŋ prokuraturasy Qaraǧandy memlekettık mülık departamentı basşylarynyŋ bırın sotqa bergen», - dep jazady prokuratura.
Aita keteiık, Arystanbek Mūhamdiūly ökılettılıgın terıs paidalanǧany üşın jäne asa ırı mölşerje qarajat ūrlap, reiderlık jasaǧany üşın 11 jylǧa sottalǧan edı.
Ūqsas jaŋalyqtar
