Qazaqstandyq belgili balýan ári jattyqtyrýshy, Májilis depýtaty Dáýlet Turlyhanov Birikken kúres álemi (UWW) bıýrosyndaǵy ornynan aıyryldy. Bul sheshim jýyrda Iordanııada ótken UWW ASIA prezıdenti saılaýynan keıin qabyldandy, dep habarlaıdy "Adyrna" ulttyq portaly.
2024 jylǵy 24 naýryzda ótken Azııa chempıonaty aıasynda 38 ulttyq federaııanyń qatysýymen ótken daýys berý nátıjesinde UWW Azııa kúres odaǵynyń jańa prezıdenti bolyp ıordanııalyq Muhammed Ál-Aýamala saılandy. Ol 34 daýys jınap, 2028 jylǵa deıingi merzimge taǵaıyndaldy.
Turlyhanov bul qyzmetti 2017 jyldan beri eki merzim qatarynan atqarǵan bolatyn.
Dáýlet Turlyhanov – keńestik jáne qazaqstandyq grek-rım kúresiniń tanymal balýany, KSRO-nyń eńbek sińirgen sport sheberi, Qazaqstannyń eńbek sińirgen jattyqtyrýshysy, qazirgi ýaqytta – QR Parlamenti Májilisiniń depýtaty.
Turlyhanovtyń uly Nurasyl Bolat 2023 jyly Almatydaǵy túngi klýb mańynda erli-zaıypty Anna men Oleg Chernovtarǵa kúsh kórsetkeni úshin sottalǵan. Alǵashynda aıyppulmen shektelgen sot úkimi keıin qaıta qaralyp, eki jylǵa bas bostandyǵyn shekteý jazasyna aýystyryldy. Alaıda, Nurasyl sot talabyn oryndamaǵany úshin 2024 jyldyń qazan aıynda 1 jyl 5 aıǵa kolonııaǵa jiberildi.
