Prokýratýra Almaty oblysy Ile aýdanynyń ákimi Baǵdat Qarasaevqa qatysty qozǵalǵan qylmystyq istiń mán-jaıyn anyqtady, dep habarlaıdy "Adyrna" ulttyq portaly.
«Almaty oblysynyń prokýratýrasy men sybaılas jemqorlyqqa qarsy qyzmeti Ile aýdanynda ornalasqan polıgonnyń qyzmetin birlesip tekserýdi aıaqtady. Jedel izdestirý is-sharalarynyń nátıjesinde 2024 jylǵy 3 qyrkúıekte aýdan ákimi Qarasaev B.A. sybaılas jemqorlyq jasady degen kúdikpen Qazaqstan Respýblıkasy Qylmystyq-proestik kodeksiniń 128-131-baptaryna sáıkes ustaldy. Oǵan kásipkerlik qyzmetke zańsyz qatysqan, laýazymdyq ókilettikterin asyra paıdalanǵan jáne memlekettik múddege zııan keltirgen degen aıyp taǵyldy», - dep habarlady sársenbide Almaty oblystyq prokýratýrasynyń baspasóz qyzmeti.
Bul qylmystar úshin múlki tárkilenip, 10 jylǵa deıin bas bostandyǵynan aıyrý jazasy qarastyrylǵany atap ótildi.
«2024 jyldyń 4 qyrkúıeginde prokýratýra bultartpaý sharasyn qoldaný úshin qylmystyq is materıaldaryn sotqa jiberdi», - dep tolyqtyrdy qadaǵalaý organy.
Eske sala keteıik, buǵan deıin Qarasaevtyń ustalǵany týraly habarlaǵan bolatynbyz.
Qarasaev 2018 jyldyń qyrkúıeginen bastap Ile aýdanyna basshylyqqa keldi. Oǵan deıin Almaty oblysy ákiminiń keńesshisi, Taldyqorǵan qalasynyń ákimi boldy, oblystyq apparatty basqardy.
