Şymkent qalasynyŋ polisiia departamentınde «Ūrpaqtar sabaqtastyǧy: Sybailas jemqorlyqqa qarsy ıs-qimyl – ärbır buyn mındetı» taqyrybynda taǧylymdyq ärı täjıribelık kezdesu öttı.
Is-şaranyŋ basty maqsaty – sybailas jemqorlyqqa qarsy ıs-qimyl tetıkterın aiqyndau, zaŋdylyq pen qūqyqtyq tärtıptı nyǧaitu, sondai-aq ışkı ıster organdarynda qyzmetke jaŋadan kelgen jas mamandardyŋ boiynda adaldyq, jauapkerşılık jäne käsıbi ädep qaǧidalaryn qalyptastyru boldy.
Kezdesuge ışkı ıster organdarynyŋ ardagerlerı, QR Ūlttyq qauıpsızdık komitetınıŋ Şymkent qalasy boiynşa departamentı, Memlekettık qyzmet ısterı agenttıgınıŋ Şymkent qalasy boiynşa departamentı, QR IIM B.Momyşūly atyndaǧy oqu ortalyǧynyŋ basşylary arnaiy şaqyrylyp, jas polisiia qyzmetkerlerı, oqu ortalyǧynyŋ tyŋdauşylary jäne «Jas saqşy» synyptarynyŋ oquşylary qatysty.
Jiyn barysynda jeke qūram arasyndaǧy tärtıp pen zaŋdylyqty qamtamasyz etu, sybailas jemqorlyq täuekelderınıŋ aldyn alu, qūqyq būzuşylyqtardy anyqtau täjıribesı jäne olardy boldyrmau joldary talqylandy. Qoǧam senımın arttyrudaǧy aşyqtyq pen ädıldıktıŋ maŋyzy atap ötılıp, «Zaŋ men Tärtıp» qaǧidaty qyzmettıŋ basty baǧdary ekenı jetkızıldı.
Ardagerler jas qyzmetkerlermen täjıribe almasyp, käsıbi joldaǧy adal qyzmet pen Otan aldyndaǧy jauapkerşılıktıŋ maŋyzyna toqtaldy.
Is-şara aiasynda jas mamandar da söz söilep, ışkı ıster organdaryndaǧy alǧaşqy qadamdary, täjıribe jinaqtau men tälımgerlıktıŋ rölı turaly pıkırlerımen bölıstı.
Kezdesu soŋynda qatysuşylar vedomstvoaralyq özara ıs-qimyldy nyǧaitu, sybailas jemqorlyqqa qarsy profilaktikalyq jūmystardyŋ tiımdılıgın arttyru jäne qoǧamda zaŋdylyq pen qūqyqtyq tärtıptı saqtau baǧytyndaǧy bırlesken jūmysty jalǧastyru qajettıgın atap öttı.
