Almaty oblysy, Eńbekshiqazaq aýdany, Shelek aýylynda 900 oqýshyǵa arnap salynǵan Ábdýálı Qaıdar atyndaǵy jańa orta mektepke qatysty daý týyndady, dep habarlaıdy "Adyrna" ulttyq portaly.
Jańa mekteptiń mańynda 44 jyldan beri jumys istep turǵan Álııa Moldaǵulova atyndaǵy orta mektep muǵalimderi oqýshylardyń jańa mektepke aǵylýyna baılanysty, saǵat sanynyń azaıyp, jumyssyz qalý qaýpinde turǵandaryn aıtyp, jan-aıqaılaryn jetkizdi.
Elý jylǵa jýyq ýaqyt bilim bergen mektep ujymy jumyssyz qalý qaýpin aıtyp, Prezıdent Qasym-Jomart Toqaevqa úndeý joldaǵan. Keıinnen, jelige júktelgen vıdeony oblystyq bilim bólimi qysym kórsetip óshirtkizip tastaǵan. Endi sol úndeýleri úshin keshirim suraýdy talap etip jatqandary da aıtyldy.
"Álııa Moldaǵulova atyndaǵy orta mektepte 89 muǵalim bekitildi. Onyń tórteýi bala kútiminde. Bıylǵy oqý jylynda oqýshylardyń azaıýyna baılanysty ustazdardyń 50%-y jumyssyz qalý qaýipinde tur. Bizdiń talabymyz muǵalimderimizdiń saǵat sany saqtalsyn. Oqýshylarymyzdy qabyldaýyna belgili bir shekteý qoıylsyn nemese Ábdýálı Qaıdar atyndaǵy orta mektepke ujymmen tolyq bizdi kóshirsin" deıdi Moldaǵulova atyndaǵy orta mektep muǵalimderi.
Ustazdardyń aýdan men oblystyq bilim bólimi basqarmasynyń tabaldyryǵyn tozdyryp, suratyp jatqan talap-aryzdaryna jańa mektep basshylyǵynan tym az saǵat usynylǵan. Birneshe jyldyq qyzmet istegen muǵalimder saǵat sanynyń munsha azaıýyna alańdaýshylyq bildirip, ujymdaǵy jalǵyz basty analar men kóp balaly otbasylardy asyraýshylarǵa bul jaǵdaı tipti aýyr tıip otyr deıdi.
Redakııa oblystyq bilim bóliminen jaǵdaıǵa qatysty jaýap suraý maqsatynda habarlasqanymen baılanysqa shyǵa almady. Mán-jaı týraly aldaǵy ýaqytta taǵy baıandalady.
Posmotret etý pýblıkaııý v Instagram
