Air Astana äue kompaniiasynan halyq ärtısı Bibıgül Tölegenovaǧa dörekılık tanytqany üşın keşırım sūrau talap etılude, dep habarlaidy "Adyrna" ūlttyq portaly.
"2024 jyldyŋ 3 qyrküiegınde saǧat 10:30-da Astanadan Almatyǧa ūşatyn Eir Astana 852 reisınde qoǧamnyŋ qaida bara jatqanyn oilandyratyn bır jaǧdai boldy. KSRO halyq ärtısı jäne Qazaqstannyŋ halyq ärtısı, aŋyzǧa ainalǧan änşı Bibıgül Tölegenova Air Astana äue kompaniiasynyŋ qyzmetkerı tarapynan dörekılık pen qūrmetsızdıkke tap boldy. Bibıgül Ahmetqyzyn mügedekter arbasynda ūşaq bortyna ötkızbek bolǧanda äue kemesıne ötudı baqylaityn qyzmetker toqtatyp, arbadaǧy jolauşylardyŋ bırınşı bolyp nemese eŋ soŋǧy jolauşy ötkennen keiın ǧana ötuı kerektıgın dörekı türde eskertken», - dep jazdy Leka Saveleva Facebook paraqşasynda.
Äue kompaniiasynyŋ qyzmetkerlerıne Bibıgül Ahmetqyzynyŋ omyrtqasynda auyr aqau bar ekenı habarlandy. Arbaǧa taŋylǧan aktrisany qyzy ertıp kele jatqanda, olardy kenetten Air Astana qyzmetkerı toqtatyp, arbadaǧy jolauşylar bırınşı bolyp otyryp ülgeruı kerek nemese soŋǧy jolauşy ötkenşe kütu kerek dep qatty eskertken.
Osydan keiın Bibıgül Ahmetqyzy qyzmetkerge özınıŋ Astana qalasynyŋ Qūrmettı azamaty ekenın jäne oǧan qanşa qatal ereje bolsa da, erekşe jaǧdai jasauǧa laiyq ekenın aitty. Kompaniia qyzmetkerı būnyŋ bärınen habardar ekenın, bıraq ereje adamdardyŋ märtebesıne, jasyna nemese jaǧdaiyna qaramastan, bärıne bırdei qoldanylatynyn aitty.
"Kompaniianyŋ qarttardy, äsırese elımızdı halyqaralyq arenada tanytqan tūlǧalardy qūrmetteudı qyzmetkerlerge nege üiretpegenın bılgımız keledı? Negızgı qūrmet-ädep erejesı qaida? Nelıkten osyndai adamdarǧa klienttermen jūmys ısteuge rūqsat etıledı? Ūlttyq tasymaldauşy kompaniia qyzmetkerlerınıŋ mūndai mınez-qūlqy masqara jaǧdai ekenı anyq. Air Astana, barşamyzdyŋ süiıktı tūlǧamyz Bibıgül Ahmetqyzy Tölegenovaǧa qatysty sızderdıŋ tüsınıktemelerıŋız ben keşırımderıŋızdı kütemız!», - dep ündeu jasady Leka Savaleva.
Al äue kompaniiasy būl jaǧdaidy qauıpsızdık üşın bolǧanyn aitady.
«Bibıgül Ahmetqyzy Tölegenovaǧa degen qūrmetımız erekşe! Air Astana äue kompaniiasy üşın qauıpsızdık basty orynda. Äue qauıpsızdıgınıŋ halyqaralyq erejelerıne sai, arbada otyrǧan jolauşylar ūşaqqa eŋ bırınşı bolyp nemese eŋ soŋynda mınedı. Iаǧni, osy ereje jolauşylardyŋ bärı üşın yŋǧaily, sondai-aq, terminaldan evakuasiialau erejelerıne sai. Bızdıŋ qolymyzdaǧy aqparatqa süiensek, Qazaqstannyŋ halyq ärtısı Bibıgül Tölegenova men onyŋ qyzy jolauşylar ūşaqqa mıne bastaǧanda kelgnen. Sondyqtan, äue kompaniiasynyŋ agentı jolauşylar mınıp alǧanşa küte tūryŋyzdar degen. Äue kompaniiasy osy oqiǧanyŋ oryn alǧanyna qatty ökınedı jäne qyzmet sapasyn jaqsartu üşın qosymşa tekserıs jürgızedı», - dep jazǧan kompaniia.
Ūqsas jaŋalyqtar
