TikTok belsendısı Madiiar Telǧozinnıŋ Mäjılıs deputaty Ermūrat Bapidyŋ oramalǧa qatysty aitqan mälımdemesıne şüilıkken videosy köptıŋ aşuyna tidı, dep habarlaidy "Adyrna" ūlttyq portaly.
Telǧozin videoda qoǧamdyq oryndarda hidjab kiiuge tyiym salatyn zaŋdy qarastyrǧan mäjılısmenderdıŋ mälımdemesın talqyǧa salyp, türlı boqauyz sözderdıŋ balamasymen oramalǧa qarsy şyqpaŋdar dep dauryǧady:
"Bız tektı halyqpyz. Ejelden mūsylmanbyz. Erteŋ ölsek ölıgımızdı, ärbır qazaqty mūsylmanşa janaza oqyp şyǧarady. Orystar siiaqty tabytpen şyǧarmaidy ǧoi. Sol üşın aǧaiyndar oramalǧa tiıse bermeŋder" deidı ol videoda.
Video bır künde jarty millionǧa juyq qaralym jinap, qyzu talqyǧa tüsude. Pıkırler bölımı de ekıge bölındı. Qoǧam belsendısı Burahan Daqanov Madiiar Telǧozinnıŋ atalmyş videosyna qarsylyq bıldırıp, jelıde jazba jariialady:
"Erekeŋnıŋ (Ermūrat Bapi - jurnalist) osy uaqytqa deiın jasaǧan düniesınıŋ 5 paiyzynda jasap körmegen, tik toktaǧy laiktı halyqtyŋ rizalyǧymen, mahabbaty dep şatasyp, bır sättık tanymaldylyqqa mas bop jürgen jas bala — osy joly tym artyq kettı dep bılemın. Mäjılıs deputaty degen köşede kele jatyp nemese bylai äleumettık jelıde auzyŋa kegendı betıne aityp aityp tastaityn köşede jürgen bıreu emes. Ol halyq qalaulysy. Parlament müşesı! Myna bala, Ermūratty mūqatam dep, özı baiqamai, oǧan dauys bergen myŋdaǧan elektoratqa, ony syilaityn myna bızderge häm küllı Parlamentke tükırıp otyr dep bılem! Sol sebeptı, qūzyrly organdar. Myna ıstı bei jai qaldyrmaularyŋyzdy sūraimyn!" deidı ol.
Ūqsas jaŋalyqtar
