Aitysker aqyn Balǧynbek İmaş bas müfti Nauryzbai qajy Taǧanūlynyŋ äruaqtarǧa qatysty aitqan pätuasyn qūptamai, qyzmetınen ketuın talap ettı, dep jazady "Adyrna". Būl turaly ol özınıŋ äleumetttık jelıdegı paraqşasynda bölıstı.
Būǧan deiın jelıde "äruaq qoldasyn" degen sözge qatysty bas müftidıŋ aitqany pıkırı ülken talqyǧa tüsken bolatyn. Balǧynbek İmaş müftidıŋ aitqan ekı türlı pıkırıne narazy bolyp, jamaǧattan keşırım sūrasyn deidı.
"Qazırgı dıni jaǧdailarǧa bailanysty jaq aşpau künä bolatyny anyq. Äuelde emosiiaǧa salynyp, artyq aityp qoimau üşın ündemei, älıptıŋ artyn baqtym. Bıraq, bızdıŋ qoǧam Bas Müftidıŋ aiybyn aşyp aitu bylai tūrsyn, molda bıtken aqtap älek.
Dın tızgının qolyna alǧan Nauryzbai Taǧanūly “Aruaq qoldasyn” degen tüsınıkke qatysty az uaqyt ışınde ekı türlı pıkır bıldırdı.
Äuelde būl söz şariǧat şeŋberıne syimaitynyn aitty. Keiın “dınımızde oǧan negız bar, şariǧatqa qaişy emes” dedı.
Allanyŋ qaharyna ūşyratatyn söz. Öitkenı, Allanyŋ keşırmeitın künäsı ol - Allaǧa Serık qosu!
Allamen qatar qandai zattan bolsyn jaqsylyq kütu, pana tıleu, järdem sūrau - dınnen şyǧaratyn, eŋ auyr künä! Araq ışuden de, zina jasaudan da, ösımqorlyqtan da, kısı öltıruden de auyr!
Bükıl QMDB imamdarynyŋ müftidıŋ sözı men özın aqtap, qorǧap, jantalasyp jatqany öte ülken qasıret!
Aruaqqa syiynudy - şapaǧat dep, ölınıŋ dūǧasy dep, tauassul dep, ihsan dep türlı qisynmen aqtap jatqany Muftidıŋ sözınen de jiırkenıştı! Būlar küpırdıŋ eŋ ülkenı Allaǧa serık qosudy qoldap, aqtap, qorǧap jatyr. Mufti ol sözdı türlı sebeppen aituy mümkın.
Al Müftidıŋ aitqanyn tüzep, türlı qisynmen aqtap älek bolǧandardyŋ äreketıne qandai sebep bar? Nazarbaev jaman emes degennıŋ bärın “nūrbot” degen siiaqty “Aruaqqa syiynuǧa bolmaidy” degennıŋ bärın “uahabi” dep bır ştamp soǧa salatyn ädet bar.
Menıŋ ūstanymym eşqandai säläfilık-uahabilık ūstanym emes, äkemnıŋ aityp ketken ösietı. “Balam, bız kommunist boldyq. Sender tek Allaǧa syiynyŋdar. Jaratuşy jalǧyz häm küştı! Jaratylǧan köp häm älsız! Köp ärı älsızge jalbarynǧan jaqsy ma, jalǧyz ärı küştıge jalbarynǧan jaqsy ma? Alla bärıne qūdırettı ärı jetkılıktı. Eger aruaqtan kömek sūrasaŋ Allaǧa zūlymdyq jasaǧanyŋ. Ony älsız ärı jetkılıksız sanaǧanyŋ,” - dep ösiet aityp ketken.
Men 30 jyl tärbie alǧan imamdarymnyŋ ışınde “aruaqqa syiynuǧa bolady” degen bır de bır imam bolmaǧan. Men estıgen hadis, men oqyp jürgen qūran tek tauhidke şaqyrady.
Men İslam dının ūstanǧan qarapaiym mūsylman retınde Bas Muftidıŋ aitqan sözıne jauap beruın, Allaǧa täube jasauyn, jamaǧattan keşırım sūrauyn, jäne öz erkımen qyzmetınen ketuın talap etemın!" dep jazdy ol.
Posmotret etu publikasiiu v Instagram
"Adyrna" ūlttyq portaly
Ūqsas jaŋalyqtar
