Prezident Qasym-Jomart Toqaev Qazaqstannyŋ mūnai önerkäsıbıne 125 jyl toluyna orai ūiymdastyrylǧan saltanatty ıs-şaraǧa qatysyp, sala qyzmetkerlerın qūttyqtady. Būl turaly Aqorda jariialady, dep habarlaidy “Adyrna” ūlttyq portaly.
«Bärıŋızge mälım, qazaq mūnaiy ǧasyrlar toǧysynda alǧaş ret Atyrau aimaǧynan alyndy. Sodan berı būl sala el ekonomikasynda airyqşa röl atqaryp keledı. Halqymyz da mūnaidy «qara altyn» dep ataidy. Dünie jüzınıŋ örkendeu joly energetika resurstarymen tyǧyz bailanysty boldy. Ǧylym men tehnologiianyŋ damuyna quat közderı erekşe yqpal ettı. Osy ürdıske qazaq jerındegı qara altyn öndırısı de mol üles qosqany sözsız, – dedı Memleket basşysy.
Qasym-Jomart Toqaev Qazaqstannyŋ mūnai önerkäsıbı öz tarihy men dästürı bar sala ekenıne toqtalyp, onyŋ qalyptasyp, damuyna elımızge belgılı tūlǧalar zor eŋbek sıŋırgenın jetkızdı.
«Geologtarymyz köptegen ken ornyn aşty. Safi Ötebaev, Joldasqali Dosmūhambetov, Bölekbai Saǧynǧaliev bastaǧan mamandar kenışterdı el igılıgıne jaratty. Olardyŋ taǧylymdy eŋbek joly ärdaiym jas ūrpaqqa ülgı bolary anyq. Aǧa buynnyŋ önegelı ısın keiıngı ūrpaq laiyqty jalǧastyruda. Būl salada tūtas eŋbek dinastiialary bar, iaǧni, qara altyn öndırısı bügınde mūnaily aimaqtyŋ ata käsıbıne ainaldy», – dedı Qasym-Jomart Toqaev.
Memleket basşysy mūnai men gazdy elımızdıŋ strategiialyq resursy ärı memleket ekonomikasynyŋ tıregı dep atady. Būl rette mūnaişylardyŋ eŋbegın joǧary baǧalady
«Qazır osy salada 250 myŋǧa juyq adam jūmys ısteidı. Mūnai-gaz önerkäsıbı zamanǧa sai damyp keledı. Öndırıske innovasiialyq tehnologiialar engızılıp jatyr. Ekologiiany saqtauǧa arnalǧan jaŋa standarttar qalyptasty. Qazaqstanda mūnai öndırumen qatar, ony öŋdeu jūmysy jolǧa qoiylǧan. Negızgı janar-jaǧarmai önımderınıŋ köbı öz elımızden şyǧady. «QazMūnaiGaz» ūlttyq kompaniiasy būl jūmysqa zor üles qosyp kele jatyr. Qazaqstan älemdık mūnai naryǧynda basty röl atqaratyn elderdıŋ bırıne ainaldy. Dünie jüzıne belgılı brendımız bar. Elımızdıŋ energetikalyq qauıpsızdıgı nyǧaia tüstı», – dedı Prezident.
Memleket basşysynyŋ aituynşa, Chevron, ExxonMobil, CNPC, Eni, Shell, LUKOIL, Total jäne Sinopes siiaqty jetekşı älemdık mūnai-gaz korporasiialary elımızde atalǧan salany damytuǧa erekşe yqpal etıp otyr.
«Teŋız, Qaşaǧan, Qaraşyǧanaq ken oryndaryn igeru, Kaspii qūbyr jelısı konsorsiumy jobasyn ıske asyru – memleket pen investorlar arasyndaǧy özara tiımdı yntymaqtastyqtyŋ jarqyn ülgısı. Qazaqstan būl salada aşyq jäne jan-jaqty oilastyrylǧan saiasat jürgızu arqyly jahandyq ekonomikaǧa dendep enıp, ülken kölemde investisiia tartyp jatyr», – dedı Prezident.
Jiyn soŋynda Prezident mūnai-gaz salasynda önımdı eŋbek etıp, elımızdıŋ örkendeuıne zor üles qosqan bırqatar azamatty memlekettık nagradalarmen marapattady.
Ūqsas jaŋalyqtar
