QR Prezıdenti Qasym-Jomart Toqaev Elena Rybakınany quttyqtady. Bul týraly Memleket basshysynyń jelidegi paraqshasyna jarııalandy, dep habarlaıdy “Adyrna” ulttyq portaly.
«Indıan-Ýellstegi bedeldi týrnırde jarqyn jeńiske jetken Elena Rybakınany @lenarybakina quttyqtaımyn! Bizdiń sportshymyz asqan sheberligin, jeńiske degen muqalmas erik-jigerin jáne sporttaǵy joǵary mádenıet úlgisin kórsetti. Elena álemdegi úzdik korttarda jańa jetistikterge jete beredi dep senemin!», - dep jazdy Memleket basshysy jelidegi paraqshasynda.
Eske salaıyq, Elena Rybakına alǵash ret Indıan-Ýells masters týrnıriniń chempıony atandy. Qazaqstandyq tennısshi Elena Rybakına Indıan-Ýells (AQSh) týrnırinde jeńiske jetkennen keıin WTA reıtınginde 7-orynǵa kóterildi.
