Nur-Sultan qalasynda 54 850 AQSh dollary kóleminde jalǵan aqsha satqan qylmystyq top sottaldy. Bul týraly qarjy monıtorıngi agenttigi málimdedi, dep habarlaıdy “Adyrna” ulttyq portaly.
Jasandy banknottardy elordanyń valıýta aıyrbastaý pýnktteri, bankomattar arqyly jeke esepshottardy toltyrý, sondaı-aq OLIMPBET býkmekerlik keńsesindegi jeke shottarǵa salý arqyly aınalymǵa tartqan.
«Sot úkimimen A.A.Jomart, I.H.Chekıev, R.A.Imanbaev pen B.E. Tóleýtaı shartty túrde 5 jylǵa bas bostandyǵynan aıyryldy», – dedi agenttiktiń baspasóz qyzmeti.
Osyǵan oraı, qarjy monıtorıngi agenttigi azamattardy abaı bolýǵa jáne beıtanys adamdardan shetel valıýtasyn satyp almaýǵa keńes berdi. Jalǵan aqsha belgileri anyqtalǵan jaǵdaıda dereý senim telefonyna habarlasý kerek.
«Jasandy banknottardy anyqtaý qylmys bolyp tabylmaıdy, alaıda jalǵan aqsha belgilerin satý úshin qylmystyq jaýapkershilik qarastyrylǵan», – dedi agenttik mamandary.
”Adyrna” ulttyq portaly
