Boksshy Janqosh Turarov “zorlandym” degen Ánarý Qurmanáliniń psıhologııalyq-narkologııalyq densaýlyǵyna saraptama júrgizý úshin aryz túsirdi, dep habarlaıdy “Adyrna” ulttyq portaly.
Sportshynyń áreketi týraly búgin Almatydaǵy baspasóz máslıhatynda onyń advokaty Samat Mamýtov málimdegen.
Qorǵaýshynyń sózinshe, Turarov áleýmettik jelide Ánarý Qurmanálige qatysty tarap jatqan vıdeolardy teksersin dep polıııaǵa ótinish bildirgen.
«Eger osy aqparattar resmı organdar arqyly rastalsa, sizderge habarlaımyz. Al, bizge kelip túsken aqparat boıynsha jáne ınternette taralyp jatqan beınematerıaldar boıynsha, aryzdanýshy Ánarý Qurmanáli Janqosh Turarovtyń ústinen aryz jazǵan 19 tamyz kúni Áýezov polıııa basqarmasyna masań kúıde barǵan. Sol jerde basqa adamdarmen janjaldasyp, tóbelesip, kıimi jyrtylyp, jartylaı jalańashtanyp, óziniń beıádep minez-qulqyn kórsetken. Men osyǵan baılanysty suraý salyp, Áýezov polıııa basqarmasynyń ǵımaratyndaǵy beınebaqylaý kameralarynyń jazbasyn suratyp, iske tirkeýge jáne tekserýge, oǵan quqyqtyq baǵa berip, jaza qoldaný týraly sotqa deıingi tergeýshige ótinish bildirdim. Aryzdanýshy Ánarý Qurmanálıdiń óz áreketterine jaýap bermeıtin teris qylyqtary ınternette tarap júr. Eger ol ras bolsa, is aıasynda aryzdanýshyǵa sot-psıhıatrııalyq jáne narkologııalyq saraptama júrgizýge ótinish bildiremiz. Óıtkeni, bizge ol psıhotroptyq zattar qoldanady degen aqparattar túsip jatyr», - deıdi Mamýtov.
