Qazaqstandyq boksshy Aıdos Erbosynuly kásibı rıngte birinshi ret nokaýtpen jeńilip, komaǵa jatyr.
Aıdos Erbosynuly ekinshi orta salmaqtaǵy WBA Regular álem chempıony tıtýly úshin jekpe-jekte kýbalyq Davıd Morrelden nokaýtpen jeńilgennen keıin jasandy komaǵa tústi.
Suleimen Promotions kompanııasy boksshynyń jaǵdaıyna qatysty pikir bildirdi.
"Suleimen Promotions» kompanııasynyń barlyq ujymy Aıdos Erbosynulynyń jaǵdaıyna alańdaýly jáne densaýlyǵyna kúndelikti baqylaý jasaýda. Bizdiń qaıtpas qaısar batyrymyz biz úshin kásipqoı bokstaǵy «eń úzdik» bolyp qala bermek. Qazir Aıdos Mıneapolıs qalasyndaǵy úzdik klınıkalardyń birine jatqyzyldy. Dárigerlerdiń sózinshe, jaǵdaıy birqalypty, biz onyń densaýlyǵy jaqsaratynyna senimdimiz. Sportshymyzdyń emdelýine jumsalatyn barlyq shyǵyndardy uıymdastyrýshy kompanııa óz moınyna aldy. Sondaı-aq, Aıdostyń jaýyngerlik rýhyn kóterý men ózin jaqsyraq sezinýi maqsatynda Qazaqstandaǵy jaqyndaryn AQSh-qa altyrtý jolynda jumystar júrgizilip jatqanyn aıtyp ketkimiz keledi. Árıne, sporttyń qaı túrinde de, sonyń ishinde kásipqoı boksta jaraqat alý qaýipi joǵary. Alaıda biz kez-kelgen jaǵdaıda Aıdos Erbosynulynyń densaýlyǵy qalpyna kelýi úshin barlyq kómekti kórsetetetin bolamyz", - delingen habarlamada.
"Adyrna" ulttyq portaly
