Qazaqstandyq boksshy Mahmud Sabyrhan kásibı rıngtegi debıýttik jekpe-jeginde nokaýtpen jeńiske jetti. Onyń qarsylasy — 19 jastaǵy vetnamdyq boksshy Dang Dak Haınh (2-1, 2 KO) boldy, dep habarlaıdy "Adyrna" ulttyq portaly NUR.KZ-ke siltep.
Jekpe-jek aldynda vetnamdyq sportshy áleýmettik jelilerde qyzý talqyǵa túsken edi. Kópshilik onyń kózildirikte, atlettik turpaty onsha baıqalmaıtyn beınesine qarap, ony «mektep oqýshysy» nemese «balaqaı» dep ataǵan.
Alaıda rıngte bárin nátıje sheshti. Qazaqstandyq boksshy Sabyrhan qarsylasyn ekinshi raýndta tehnıkalyq nokaýtpen jeńdi. Osy raýndta referı úsh márte Dang Dak Haınhqa nokdaýn sanady. Úshinshi nokdaýnnan keıin jekpe-jek toqtatyldy.
Osylaısha, Mahmud Sabyrhan kásibı bokstaǵy alǵashqy jeńisin nokaýtpen tirkedi, al Dang Dak Haınh óz mansabyndaǵy úshinshi jeńilisine ushyrady.
