Respublikalyq jeke sot oryndauşylar palatasy (RJSOP) QazTAG IIM redaksiiasyna qazaqstandyq käsıpqoi boksşy Janqoş Tūrarovtyŋ Almatyda būryn soqqyǧa qalǧan jeke sot oryndauşysy Ädıl Ermekovpen söilesuı turaly audiojazbany ūsyndy, dep habarlaidy "Adyrna" ūlttyq portaly derekközge sıltep.
Tūrarov: Äleke, būl ne bassyzdyq? Taǧy da qaitalaimyn (būl jerde boksşy ädepsız sözderdı qoldanǧan – avt. tüsınıktemesı), men tūrǧanda eşkım eşteŋe ıstei almaidy. Men aityp tūrmyn bassyzdyqtaryŋa bassyzdyq bolady.
Ermekov: Bassyzdyq bolmaidy, bärı zaŋ boiynşa.
Turarov: Apam tūratyn üidı sürıp (qosalqy qūrylysty süru – avt. tüsınıktemesı) jatqandaryŋ bassyzdyq emei nemene? Men eşkım qozǧalmasyn dedım, tek qozǧalyp körıŋder, körermız sosyn. Nedep tūrsyz,Äleke? Mūnyŋyz jaramaidy. Bıreuıŋız qozǧalsaŋyz, aitqanym aitqan, ūiat bolady, qara da tūryŋdar. Äleke säl küte tūryŋyz.
Üşınşı dauys: Jappai aqparat…
Tūrarov: Jappai aqparatyŋa men qazır körsetemın, şyn aitamyn, eger solai jasaityn bolsaŋdar.
Ermekov: Men senı tüsındım.
Būǧan deiın jekelegen BAQ-qa bergen sūhbatynda Tūrarov Ermekovke qoqan-loqqy körsetken joqpyn degen edı, al polisiia oqiǧa ornynda eşqandai boksşy bolmady-mys dep mälımdegen bolatyn.
Redaksiia sportşynyŋ özınen tüsınık aluǧa tyrysty, bıraq Tūrarov qoŋyrauǧa jauap bergen joq.
Eske salsaq, 4 qazanda Almatyda zaŋsyz salynǧan qūrylysty süru kezınde sot oryndauşysy soqqyǧa jyǧylǧan edı. Jeke sot oryndauşylarynyŋ respublikalyq palatasynyŋ aqparynşa, oqiǧa kuägerı bolǧan poliseiler qaşyp ketken, al sot oryndauşysyna tiısken adam oqiǧa bolǧan jerge belgılı käsıbi boksşy Janqoş Tūrarovty şaqyrǧan. Ol da palatada mälımdegendei JSO-yn qorqytqan. 5 qazanda belgılı bolǧandai, būl derek polisiiada tırkelgen. Sonymen qatar belgılı bolǧandai, zardap şekken sot oryndauşysy Ädıl Ermekov 2014 jyly teŋge devalvasiiasyna qarsy qarsylyq aksiiasyn ūiymdastyruşy retınde sotty bolǧan. Keiın 5 qazanda Ermekov tiısken adamdy «otyrǧyzuǧa» niettı ekenın videoǧa jazǧan. Sondai-aq sotta jäne JSORP-da qosalqy qūrylysty sürudıŋ zaŋsyz ekenı turaly aryzdy terıske şyǧardy.
Aita ketu kerek, Almatyda tūrǧyndardy şyǧaru kezınde bes adam oqqa ūşqannan keiın, sot şeşımderın oryndaudaǧy polisiia men HQKO -nyŋ äreketterı köbırek nazarda bolady, onyŋ ışınde ekı polisiia qyzmetkerı men jeke sot oryndauşysy el auzynda.
"Adyrna" ūlttyq portaly
Ūqsas jaŋalyqtar
