Atyraýda jasóspirim sýǵa batyp ketti, dep habarlaıdy "Adyrna" ulttyq portaly.
22 tamyzǵa qaraǵan túni 14 jastaǵy jasóspirim sýǵa batyp ketti. Qutqarýshylar balanyń denesin izdep, máıitti búgin tapty.
Oblystyq qutqarýshylar 2024 jylǵy 24 tamyzda saǵat 07:03 shamasynda sýǵa batyp ketken 2010 jylǵy jasóspirimniń denesin oqıǵa ornynan 12 km qashyqtyqta sýdan alyp shyqqan.
"Izdestirý jumystaryna TJD 10 jeke quramy, 5 júzý quraly, 1 tehnıka jumyldyryldy", - delingen vedomstvo habarlamasynda. TJD ókilderi ruqsat etilmegen jerlerde shomylý qaýipti ekenin, onyń sońy qaıǵyly jaǵdaıǵa ákep soqtyrýy múmkin ekenin eskertti. "Oblystyń turǵyndary men qonaqtaryn saqtyq sharalaryn saqtaýǵa jáne sýǵa shomylýdan bas tartýǵa shaqyramyz", - deıdi qutqarýshylar.
