Atyrauda äiel adam öz balalaryn satqan, dep habarlaidy "Adyrna" tılşısı.
Būl turaly Oblystyq sottyŋ baspasöz qyzmetı habarlady.
Atyrau qalasynyŋ tūrǧyny jaŋa tuǧan säbilerın satyp jıbergen. Sot materialdaryna säikes, jauapqa tartylǧan äiel jüktı bolǧan sätınen-aq materialdyq jaǧdaiyn jaqsartu üşın balalaryn saudalaǧan. Ol bosanbai tūryp bır otbasymen kelısken. Balany ömırge äkelgennen soŋ närestenı satyp jıbergen.
Keiıngı jüktılıgınde de äiel alaiaqtyq jolmen aqşa tabuǧa bel bailaǧan. Ol tıptı
ekı otbasyǧa jaŋa närestenı satuǧa uäde berıp, aqşa alyp alǧan. Bıraq äiel ızın suytyp ülgerıptı.
Al jäbırlenuşıler 2,3 mln teŋgeden aiyrylyp qalǧan. Al alaiaq ana basqa otbasymen kelısım jasap, balasyn berıp ketken.
Sot ükımımen balalaryn satqan jäne alaiaqtyq jasaǧan ana 8 jylǧa bas bostandyǧynan aiyryldy. Al jaŋa tuǧan närestelerdı satyp alǧan otbasylar şartty türde üş jylǧa sottaldy.
