Batys Qazaqstan oblysynda kısı öltıruge tapsyrys beru ısı boiynşa sot otyrysy öttı, dep habarlaidy “Adyrna” portaly “Moi gorod” basylymyna sılteme jasap.
Aiyptaluşy retınde 40 jastaǧy Elvira Erkebaeva men 33 jastaǧy Maksim Kuznesov esımdı azamattar bar.
Basylym mälımetınşe, Erkebaeva özınıŋ būrynǧy küieuın öltıru üşın arnaiy killer jaldapty. Sot otyrysynda advokat Tamara Särsenova şaǧym tüsırıp, aiyptaluşy Elvira Erkebaevaǧa qatysty būltartpas şarasyn özgertudı sūrady.
"Menıŋ qorǧaluşym qylmystyq jäne äkımşılık jauapqa tartylmaǧan. Kämeletke tolmaǧan ekı balasy bar. Jarty jyldan beru qamauda, rejimdı būzǧan joq. Tūrǧylyqty baspanasy bar. Ony üiqamaqqa jıberudı sūraimyz", – dedı Särsenova.Ekınşı aiyptaluşy Maksim Kuznesovtyŋ da qorǧauşysy onyŋ qant diabetı men közınde glaukoma baryn aityp, şaǧymmen kelısken. Aiyptauşynyŋ deregıne säikes Elvira Erkebaeva būrynǧy küieuı Erbol Erkebaevpen aradaǧy kelıspeuşılıkterge bailanysty ony öltıru üşın killer jaldaǧan.
"Būǧan deiın tanysy Kuznesovpen bailanysyp, tapanşa men kısı öltıre alatyn adam tauyp berudı sūraǧan. Sondai-aq būl üşın 2 million teŋge töleitının de jetkızgen. Kuznesov keiın osyndai adamdy ızdedı", – dedı prokuror Iztıleuova.2023 jyldyŋ jeltoqsanynda kısı öltıruge tapsyrys alǧan Ǧaliev ūiymdastyrylǧan qylmys jaily polisiiaǧa habarlapty. Qylmys osy jyldyŋ 20 jäne 26 aqpan aralyǧynda bolady dep josparlanǧan. Aqsai qalasyndaǧy "Beibarys" sport keşenınıŋ aumaǧynda Kuznesov Ǧalievke 500 myŋ teŋge, tereze aşu üşın būranda, qolǧap, medisinalyq maska men közıldırık te berılgen. 26 aqpanda Erkebaeva men Kuznesovty polisiia ūstady. Degenmen sotta jäbırlenuşınıŋ özı bolmady. Al onyŋ ökılı Erlan Berdıǧaliev būrynǧy jūbaiy Erkebaevaǧa eşqandai şaǧymy joq ekenın aitty.
Al aiyptaluşylar kınäsız ekenın däleldei alatyndaryn aitqan.
Ūqsas jaŋalyqtar
