Dáýlet Turlyhanovtyń inisi, ánshi Rahat Turlyhanov áıeline qol kótergeni týraly aqparat taraǵan. Alaıda búgin onyń jary vıdeoúndeý joldap, joldasynyń syrtynan orynsyz áńgimeler aıtylyp jatqanyn málimdedi, dep habarlaıdy “Adyrna” ulttyq portaly.
Ánshi Rahat Turlyhanovtyń áıeliniń aıtýynsha, kúıeýi qamqor ári jaqsy adam.
"Rahat óte jaqsy adam. Meni jáne balalaryn jaqsy kóredi. Óte qamqor áke ári meıirimdi jar. Árıne, otbasy bolǵan soń basqa otbasylar sekildi bizde de urys-keris bolady. Biraq ózgeler jaǵdaıdyń aq-qarasyn bilmeı neshe túrli aqparat taratýda. Rahatty ádiletsiz aıyptap jatyr. Biz sizderdiń taraptaryńyzdan alańdaýshylyq bolyp jatqanyn bilemiz. Biraq ýaıymdaýdyń qajeti joq. Bizde barlyǵy jaqsy", - dedi ánshiniń áıeli.
